රුසියානු විදේශ අමාත්‍ය සර්ගෙයි ලැව්රොව් සහ යුක්රේන විදේශ අමාත්‍ය දිමිත්‍රි කුලේබා අතර සාකච්ඡා තුර්කියේ ඇන්ටල්යා නුවර මේ වන විට ආරම්භ වී ඇත.

මේ දක්වා රුසියානු-යුක්රේන ගැටුම හේතුවෙන් මේ දක්වා යුක්රේනයේ වැසියන් අවම වශයෙන් 13000 ක් මරණයට පත්ව 1800 ක් මාරාන්තික නොවන තුවාල ලබා ඇති අතර ලක්ෂ 21 ක ජනතාවක් අවතැන් වී ඇත.

එසේම යුක්රේනයේ ගොඩනැගිලි වලට සිදුවී ඇති හානිය ඩොලර් බිලියන 10 පනින බවත් ගොඩනැගිලි 1700 විනාශ වී ඇති බවත් විදෙස් මාධ්‍ය වාර්තා කළේය.

එසේම රුසියානු හමුදා සෙබළුන් 4000-6000 ත් අතර පිරිසක් මියගොස් ඇති බව යුක්රේන රජය ප්‍රකාශයට පත් කළත් රුසියානු ආරක්ෂක අමාත්‍යංශය ප්‍රකාශ කලේ මේ වන විට රුසියානු සෙබළුන් 500 ක් මරණයට පත්ව ඇති බවයි.

පසුගිය ද යුක්රේන රජය ප්‍රකාශ කර සිටියේ රුසියානු හමුදා සමග සටන් වැදීමට යුක්රේනයට පැමිණෙන විදේශිකයන්ට යුක්රේන පුරවැසිභාවය ලබාදෙන බවයි.

අද දින රුසියාව යුරෝපා කවුන්සිලයෙන් ඉවත් වූ අතර එම නිසා යුරෝපා කවුන්සිලයේ තීරණ තවදුරටත් පිළිපැදීමට රුසියාව බැඳී නැතැයි ක්‍රෙම්ලිනයේ මාධ්‍ය ප්‍රකාශක දිමිත්‍රි පෙස්කොව් පැවසීය.

(රොයිටර්)

යුක්රේන-රුසියා අර්බුදය:- වැඩිදුර තොරතුරු සඳහා මෙතැනින් පිවිසෙන්න