රට විකුණන්න කලින් දෙසැරයක් හිතන්න

(ගයාන් සූරියආරච්චි)

මේ රට කාගේවත් පෞද්ගලික බූදලයක්, පෞද්ගලික කොම්පැනියක් හෝ පවුලේ දේපළක් කියා විශ්වාසයෙන් කටයුතු නොකරන්නැයි අනතුරු අගවන බව නිදහස ජනතා සභාවේ නායක පාර්ලිමේන්තු මන්ත්‍රී ඩලස් අලහප්පේරුම මහතා පැවැසීය.

අලහප්පෙරුම මහතා මෙසේ පැවැසූවේ අද (10) ‘නිදහස‘ ප්‍රධාන කාර්යාලයේ පැවැති මාධ්‍ය හමුවක් අමතමිනි.

එහිදී වැඩිදුරටත් අදහස් දැක්වූ මන්ත්‍රීවරයා මෙසේ ද පැවැසීය.

නව වසර උදාවී දින 90 කින් නිශ්චිත වශයෙන් පනතට අනුව ජනාධිපතිවරණය නිවේදනය කළ යුතුයි. දින 114 කින් නාම යෝජනා කැදවීමට සිදුවෙනවා. නව අවුරුදු උදාවී දින 176 කින් පමණ 9 වැනි විධායක ජනාධිපතිවරයා පත්වීම කිසිසේත්ම වැළැක්විය නොහැකියි.

මා මෙරට පුරවැසියන්ගෙන් සහ පාලකයන්ගෙන් ඉල්ලා සිටින්නේ රට විකුණන න්‍යාය පත්‍ර ගැන දෙසැරයක් හිතන ලෙසයි.

පළාත් පාලන මැතිවරණය කල් දැමීම ඒකාධිපතිත්වයට අතවැනීමක් බව හිටපු මැතිවරණ කොමසාරිස් මහින්ද දේශප්‍රිය මහතා ඉකුත් දා ඔහුගේ නිවෙස ඉදිරිපිට බැනරයක් ප්‍රදර්ශනය කරමින් පවසා සිටියා.

මේ ආණ්ඩුව අයි.එම්.එෆ්. මත යැපෙන ආණ්ඩුවක්. එම න්‍යාය පත්‍රයට එරෙහිව වැඩපිළිවෙළක් ක්‍රියාත්මක කිරීමට සියලුම බල කදවුරුවලට අප හා එක්වන ලෙස මා ආරාධනා කරනවා යැයි අලහප්පේරුම මහතා පැවැසීය.

අදහස් (7)

රට විකුණන්න කලින් දෙසැරයක් හිතන්න

sakalan Thursday, 11 April 2024 02:14 AM

අනේ උන්නැහේ දැන් ඔහේ නිකන් බබා වෙන්න හදනවා. ගෝල්ෆේස් එක ඉස්සරහ තිබුණු හමුදා මූලස්ථානය විකුණනකොට ඔහේ හිටියේ කොහේද? රාජපක්ෂලා ගෙනාපු හැම පනතකටම අත්දෙකම උස්සපු ඔහේ දැන් එනවා මෙතන කිඹුල් කඳුළු හෙලන්න. ඊළඟ ඡන්දෙන් පස්සේ ඔහෙත් ගෙදර...!

: 0 0

Normal Thursday, 11 April 2024 04:17 AM

ජෙප්පෝ රට බංකොලොත් කරලා විකුණනවා නේද, හොඳ වෙලාවට මහින්දලා රනිල්ලා ඔයගොල්ලෝ ඉන්නේ රට බේරගන්න

: 0 0

Saththaya Thursday, 11 April 2024 07:59 AM

වේලපහින් රට නැත්තටම නැති කරන්න උදව් කරපු කෙනෙක් නේද මේ කියන්නේ ?

: 0 0

කීර්තිපාල Thursday, 11 April 2024 08:20 AM

ලෝකයේ වහල් වෙළදාම තියෙන කාලෙක මම ජනාධිපති වුණොත් මුලින්ම කරන්නෙ මේ රට අගාධයට ඇද දැමූ තමන් පමණක් හරි කියන සියලු දේශපාලුවො හා වංචා දූෂණ කරමින් තමන්ගේ මඩිය තරකර ගන්නා නිළධාරින් රොත්තම රටේ ප්‍රජා අයිතිය අහෝසි කර වහලුන් හැටියට විකුණා දැමීමට කටයුතු කිරීම තමයි.....

: 0 0

UniDon Thursday, 11 April 2024 08:22 AM

අධ්‍යාපනය විකුණන්න එන්එස්බීඑම් කියන ඊනියා හරිත විශ්වවිද්‍යාලය දාපු මිනිහා දැන් රට විකුණන එක ගැන කතා කරනවා. මොනතරම් උත්ප්‍රාසයක්ද!

: 0 0

pj Thursday, 11 April 2024 10:13 AM

එදා රජ පවුලත් සමඟ එකතු වී චීනයට රට විකිණීම ඇරඹු වෙලාවෙ නිදාගෙන ද හිටියෙ.

: 0 0

ANURA NANAYAKKARA Saturday, 13 April 2024 08:44 AM

ඩලස් අලහප්පෙරුමට තියන ආර්ථික කළමනාකරණ පුහුණුව සහ පළපුරුද්ද මොකක්ද ?නිකම් දොඩවනවා

: 0 2

ඔබේ අදහස් එවන්න

එසැණ පුවත්

ස්පීකරයේ සැඟවූ ලක්ෂ 50 ක මත්ද්‍රව්‍ය සමඟ අයෙක් අල්ලයි

2024 අප්‍රේල් මස 30 44 0

බ්ලු ටුත් ස්පීකරයක සූක්ෂම ලෙස සඟවා තිබූ රුපියල් ලක්ෂ 50 කට ආසන්න වටිනා අයිස් මත්ද්‍රව්‍ය තොගයක් සමග මට්ටක්කුලිය දුවේ ගිම්හාන් නොහොත් ශාන් නමැත්තා අත්

රටවල් 67කට නොමිලේ වීසා

2024 අප්‍රේල් මස 30 234 0

රටවල් හැට හතකට නොමිලේ වීසා ලබා දීමට කැබිනට් පත්‍රිකාවක් ළඟදීම ඉදිරිපත් කරන බව සංචාරක රාජ්‍ය ඇමතිනී ඩයනා ගමගේ මහත්මිය පැවසුවාය.

දුෂණ මර්ධන ස්ථානාධිපතිට අල්ලස් දෙන්න ගිය කත අත්අඩංගුවට

2024 අප්‍රේල් මස 30 176 0

හෙරොයින් මත්කුඩු සමඟ අත්අඩංගුවට ගත් සිය සැමියා මුදාහැරීම සඳහා කළුතර දකුණ දූෂණ මර්දන අංශ ස්ථානාධිපතිවරයාට රුපියල් ලක්ෂ තුනක අල්ලස් මුදලක් ලබාදීමට කට

පාඨලී පැය දෙකකට පසු පිටත්ව යයි

2024 අප්‍රේල් මස 30 445 1

රත්නපුර ප්‍රදේශයේ පැවති දේශපාලන රැස්වීමකදී පාර්ලිමේන්තු මන්ත්‍රී පාඨලී චම්පික රණවක මහතා කරන ලද ප්‍රකාශයක් සම්බන්ධයෙන් අපරාධ පරීක්ෂණ දෙපාර්තමේන්ත

ජනපතිට එරෙහිව වාරණයක්

2024 අප්‍රේල් මස 30 129 0

අගවිනිසුරු ධුරයට හැර වෙනත් ශ්‍රේෂ්ඨාධිකරණ විනිසුරු ධුරවලට විනිසුරුවන් නිර්දේශ කිරීම වළකාලමින් ශ්‍රේෂ්ඨාධිකරණය ජනාධිපති රනිල් වික්‍රමසිංහ මහතාට එ

උද්ධමනය සියයට 1.5 ක් දක්වා පහළට

2024 අප්‍රේල් මස 30 192 1

ජාතික පාරිභෝගික මිල දර්ශකය අනුව මෙම මස (අප්‍රේල්) මෙරට උද්ධමනය සියයට 1.5 ක් දක්වා පහළ ගොස් ඇතැයි ජනලේඛන හා සංඛ්‍යාලේඛන දෙපාර්තමේන්තුව නිවේදනය කළේය.