කොරෝනා වයිරසයට එරෙහිව ඒකාබද්ධ උපායමාර්ගයක් සැකසීම සඳහා යුරෝපා සංගමයට අයත් රටවල නායකයෝ අද (17) පස්වරුවේ විඩියෝ තාක්ෂණය ඔස්සේ සාකච්ඡා ආරම්භ කළහ.

යුරෝපා සංගමයට අයත් රටවල දේශසීමා වසා දමමින් අත්‍යවශ්‍ය නොවන සියලු ගමන්බිමන් තහනම් කිරීම සම්බන්ධයෙන් යුරෝපා නායකයන්ගෙන් අවධානය යොමු වී තිබේ. මේ සඳහා ප්‍රංශ ජනාධිපති එමානුවෙල් මැක්රෝන් සිය පූර්ණ සහයෝගය පළ කර ඇත.

යුරෝපා සංගමයට අයත් රටවල් තළ නිදහසේ ගමන් කිරීමට හැකි ‘ෂෙනගන්’ ගමන් බලපත්‍රයට සිදුවන බලපෑම සම්බන්ධයෙන් මෙහිදි යුරෝපීය කොමිසමේ ප්‍රධානී උර්සුලා වොන් ද ලියෙන් අදහස් දැක්වීමට නියමිතව තිබිණි.

චීනයේ හුබෙයි පළාතේ වූහාන් නගරයෙන් ව්‍යාප්ත වීමට පටන් කෝවිඩ්-19 යනුවෙන් නම් කර තිබෙන නව කොරෝනා වයිරසය මේ වනවිට යුරෝපයේ සෑම රටකටම ව්‍යාප්ත වී ඇත. වයිරසය ව්‍යාප්ත වීමේ නව කේන්ද්‍රස්ථානය බවට පත්ව ඇත්තේ යුරෝපයයි. යුරෝපයේ මෙන්ම චීනයෙන් පසු කොරෝනා වයිරසය නිසා වැඩිම බලපෑමකට පත්වූ රට බවට පත්ව ඇත්තේ ඉතාලියයි.

දේශසීමා වසා දැමීමේ තහනම මුලින්ම දින 30කට ක්‍රියාත්මක වනු ඇති අතර අදාළ තහනම නැවත සිය රටවල් බලා පැමිණෙන යුරෝපීය ජාතිකයන්ට, සමාජ සේවකයන්ට, රටවල් හරහා ගමන් කරමින් රාජකාරීවල නිරත වන වෘත්තිකයන්ට හෝ පුරවැසියන්ට හෝ සහ බ්‍රිතාන්‍යයට අදාළ නොවන බව වාර්තා විය. බ්‍රිතාන්‍ය යුරෝපා සංගමයේ හිටපු සාමාජික රටකි.

ඒ.එෆ්.පී.

055