යුද්දයට මැදි වූ ලක්කත මිය ගිහින්

(යොහාන් භාසුර)

පලස්තීනය සහ ඊශායලය අතර යුද්ධයේදී අතුරුදහන්ව සිටින කාන්තාව මරණයට පත්ව ඇතැයි ඊශ්‍රායල තනාපති ආරංචි මාර්ග සඳහන් කරන බවත් ඇයට හමාස් සංවිධානයේ සාමාජිකයන් තැබූ වෙඩි ප්‍රහාරයකින් සේවා ස්ථානයේදී මරණයට පත්වූ බවත් විදේශ ආරංචි මාර්ග සඳහන් කරයි.

ඇය වෙඩි ප්‍රහාරයට ලක්වූයේ යැයි සේවා ස්ථානයේ වෙනත් පුද්ගලයෙක් දැනුම් දී ඇති බව ද විදේශ වාර්තා පවසයි.

ශ්‍රී ලංකා විදේශ සේවා නියුක්ති කාර්යංශයේ ප්‍රකාශකයෙක් පැවසුවේ අදාල කාන්තාව ඊශ්‍රායලයේ සාත්තු සේවිකාවක් ලෙස සේවය කරමින් සිටියදී සේවා ස්ථානයේදී හමාස් ප්‍රහාරයෙන් ජීවිතක්‍ෂයට පත්ව ඇතැයි තොරතුරු ලැබී ඇති බවත් ඇයගේ යැයි කියන මළ සිරුර පරීක්‍ෂා කිරීමට ඊශ්‍රායලයේ ශ්‍රී ලංකා තානාපති කාර්යාලය කටයුතු කරමින් සිටින බවත්ය.

ඇයගේ දේහය පරීක්‍ෂා කිරීමට ක්‍රියාපටිපාටියක් ඇති බව කී එම නිලධාරියා ඊශ්‍රායලයේ ශ්‍රී ලංකා තානාපති කාර්යාලය මේ වන විට ඒ සඳහා කටයුතු කරමින් සිටින බව ද සඳහන් කළේය.

අදහස් (3)

යුද්දයට මැදි වූ ලක්කත මිය ගිහින්

රට වැසියා Tuesday, 10 October 2023 10:40 PM

ලංකාවේ රට වැසියෙකු ලෙස ඉතාම කණගාටු වෙනවා. කුරීරු ත්‍රස්තවාදීන්ට සාපවේවා...! එතුමියගේ පවුලේ අයට බලවත් ශෝකය ප්‍රකාශ කරමි. එතුමියට නිවන් සුව පතමි.

: 0 32

Kumara Wednesday, 11 October 2023 02:27 AM

මුලින්ම නිවන් සුව පතමි. මහත්මයාණෙනි, විදේශ රක්ෂණයෙන් ගෙවන්න ඒ පවුල්වලට...!

: 0 0

Senaka Wednesday, 11 October 2023 09:36 AM

ආගමික අන්තවාදයේ බිහිසුණු බව ලොවට පෙන්වූ එක අවස්ථාවක් විතරයි ඔය. ලංකාවේ අයටත් ඕකෙ තත්ත්වය ලාවට දැකගන්න පුළුවන් වුණා පාස්කු ප්‍රහාරෙන්. ඒත් දේශපාලන පක්ෂ එකතු වෙලා හිමීට ඒක රාජපක්ලාෂ කරපු එකක් කියලා මෝඩ චූන් ගන්නවා. ඒ අන්තවාදීන් මේ රටේ බහුතරය වෙච්චි දවසට මාසෙකට සැරයක් ඔය වගේ ඒවා බලාගන්න පුළුවන්. ඊස්‍රායලයේ මිනිස්සු ඔය අයගේ හැටි හොඳට දැනගෙනයි ජීවත් වුනේ...! අපි දැන් ඉන්නේ අපායේ ඉන්ටවල් එකක බව තේරුම් අරන් හිටියොත් හොඳයි. මේ අන්තවාදී ප්‍රහාරයෙන් මියගිය එම මැතිණියට නිවන් සුව ලැබේවා!

: 0 1