ගයාන් සූරියආරච්චි

කැළණිය තොරණ හංදිය ප්‍රදේශයේදී තියුණු ආයුධවලින් කපා කොටා පුද්ගලයකු ඝාතනය කිරීමේ සිද්ධිය සම්බන්ධයෙන් සැකකරුවන් සිව්දෙනෙකු අත්අඩංගුවට ගත් බව පෑලියගොඩ මූලස්ථාන පොලිසිය පවසයි.

අත්අඩංගුවට ගත් සැකකරුවන් අවුරුදු 30, 37, 43 ,53 යන වයස්වල පසුවන්නන් බවත් ඔවුන් කැළණිය ප්‍රදේශයේ පදිංචිකරුවන් බවත් පොලිසිය කියයි.

සැකකරුවන් සන්තකයේ තිබී කඩුවක් හා මන්න පිහියක් ද සොයා සොයා ගැනීමට හැකිවූ බව පොලිසිය පවසයි.

ඝාතනයට ලක්වූ පුද්ගලයා සහ සිද්ධියට සම්බන්ධ සැකකරුවන් අතර මීට පෙර ද ඇතිවූ ආරවුලක් මත පොලිසියට පැමිණිලි ලැබී ඇති බව පොලිසිය පවසයි.

පෑලියගොඩ මූලස්ථාන පොලිසිය මේ පිළිබඳ වැඩිදුර විමර්ශන සිදුකරයි.