(ඉන්දිකා  රාමනයාක)

සරුංගල් සිද්ධික් මුල්කරගෙන 2022 වසරේ දී මිනුවන්ගෙඩ ගමන් ගෙදර   ප්‍රදේශයේ    එකම පවුලේ පියා හා පුතුන් දෙදෙනා   වෙඩි තබා ඝාතනය කිරීමේ සිද්ධියට යොදාගත් ටී 56 ගිනි අවිය හා තවත් පිස්තෝල දෙකක් ඇතුලු ආයුධ සමග     සංවිධානාත්මක අපරාධ කල්ලි සාමාජිකයකු මීගමුව ප්‍රදේශයේ දී  අත්අඩංගුවට ගත් බව  විශේෂ කාර්ය බලකාය පවසයි.

මෙලෙස අත්අඩංගුවට ගෙන ඇත්තේ ඩුබායි රාජයේ සැඟව සිටින   “හීනටියන මහේෂ් ’‘  නැමැත්තාගේ ගොලයකු බවත්, මෙම සැකකරු ඔහුගේ  අපරාධ සදහා ආයුධ ප්‍රවාහනය කරන පුද්ගලයකුගේ බවද  විශේෂ කාර්ය බලකාය පවසයි.

සැකකරු බාරයේ තිබු ටී 56 ගිනි අවියක්,  පිස්තෝල දෙකක්, ටී 56 උණ්ඩ 87 ක්,  ටී 56 මැගසින්  දෙකක්, බෝර 12 උණ්ඩ 17,  ව්‍යාජ වාහන අංක තහඩු දෙකක්, හා   යතුරු පැදියක් , හෙරොයින්  ග්‍රෑම් 8 ක්  විශේෂ කාර්ය බලකාය බාරයට ගෙන ඇත.

මෙම සැකකරු පන්නල පදිංචි  (25) හැවිරිදි පුද්ගලයකු බවත්, මොහු අත්අඩංගුවට ගැනීමට සොයමින් සිටියදි බිරිද හා  දරුවා සමග මීගමුව කුඩාපාඩුව ප්‍රදේශයේ කුලී නිවසක සැඟව සිටියදී ඊයෙ 6) රාත්‍රියේ විශේෂ කාර්ය බලකායේ ගෝනහේන කඳවුරේ භට කණ්ඩායමක් විසින් අත්අඩංගුවට ගනු ලැබ ඇත.