(අංජුල මහික වීරරත්න සහ සුජිත් හේවාජුලිගේ)

මුදල් කළමනාකරණය හරියට කළොත්  රටක් ලෙස ඉදිරියට යාමට හැකි බවත් එහෙම නැති වුනොත් 2022 දී රට බංකොලොත් වන බවත් හිටපු මුදල් අමාත්‍ය මංගල සමරවීර මහතා කලින්ම  පවසා තිබූ බව රත්නපුර දිස්ත්‍රික් සමගි ජනබලවේගයේ මන්ත්‍රිනී තලතා අතුකෝරල මහත්මිය පාර්ලිමේන්තුවේ දී පැවැසුවාය.

මංගල සමරවීර මහතා  මිල සූත්‍රය ක්‍රියාත්මක කරන විටත් බොහෝ අය එදා උසුළු විසුළුව කළ බව කී අතුකෝරල මහත්මිය මංගල සමරවීර මහතා  තීන්දු තීරණ ගත්තේ බොහෝ ඈත බලා බව සඳහන් කළාය.

ගෝඨාභය ඇවිත් ගත් ක්‍රියාමාර්ග නිසා අද පවතින බංකොලොත් තත්වයට මුහුණ දෙන්නට සිදු වී තිබෙන බවද මන්ත්‍රීවරිය කීවාය.

සාමාන්‍ය ජීවිතය ගත කරන අයට අද  නිදහස් අධ්‍යාපනයත් හීනයක් වී ඇතැයි ද ඉස්පිරිතාලයකට ගියොත් බෙහෙත් ටික ගන්න හැකියාවක් නැති අතර මේ තත්ත්වය යටතේ නිදහස් අධ්‍යාපනය හෝ සෞඛ්‍ය ගැන කතා කරන්න පුලුවන්දැයි ප්‍රශ්න කළාය.

අයවැය තෙවැනි දින විවාදයට සහභාගී වෙමින් අතුකෝරාල මහත්මිය මේ බව කීවාය.