(පද්මසිරි ගාර්දියවසම් )

දක්ෂිණ අධිවේගී මාර්ගයේ බෙලිඅත්ත පිටවුම ආසන්නයේදී අපේ ජනබල පක්ෂයේ නායක සමන් පෙරේරා මහතා ඇතුලු පුද්ගලයින් පස් දෙනෙකු වෙඩි තබා ඝාතනය කිරීමේ සිදුවීමට ආධාර අනුබල දුන් තවත් සැකකරුවෙකු ගාල්ල , දොඩන්දූව ප්‍රදේශයේදී අත්අඩංගුවට ගෙන ඇතැයි පොලිසිය කියයි.

අත් අඩංගුවට ගත් සැකකරු දොඩන්දූව ,කටුදම්පේ ,වැල්ලංගොඩ වත්ත ,අංක 143 ලිපිනයේ පදිංචි 52 හැවිරිදි තැනැත්තෙකි .

සැකකරුට අයත් බැංකු ගිණුමක් හරහා මෙම ඝාතන සිද්ධියට අදාල මුදල් ගණුදෙනු සිදුකර ඇති බවට සැකපිට මොහු අත් අඩංගුවට ගත් බව පොලිසිය පවසයි . අත් අඩංගුවට ගත් සැකකරු වැඩිදුර විමර්ශන කටයුතු සදහා බෙලිඅත්ත පොලිසියට බාර දී තිබේ .