(අංජුල මහික වීරරත්න)

මහ ඔය ද්‍රෝණියේ ඇතැම් ධරා ප්‍රදේශ වලට මේ වන විට සැලකිය යුතු වර්ෂාපතනයක් ලැබී ඇති පෙදෙස් කිහිපයකට සැලකිය යුතු ගංවතුර තත්ත්වයක් ඇති විය හැකි බව වාරිමාර්ග දෙපාර්තමේන්තුව අනතුරු අඟවයි.

හෙට(21) දහවල් 12 දක්වා මෙම අනතුරු ඇඟවීම වලංගු බවද වාරිමාර්ග දෙපාර්තමේන්තුව කියයි.

වර්ෂා තත්ත්වය සහ වාරි මාර්ග දෙපාර්තමේන්තුව මඟින් මහ ඔය ද්‍රෝණියේ නඩත්තු කරනු ලබන ගංඟා ජල මාපකවල ජල මට්ටම් විශ්ලේෂණය අනුව ඉදිරි පැය 36 ක කාලයේ අලව්ව, දිවුලපිටිය, මීරිගම, පන්නල, වෙන්නප්පුව, මීගමුව, කටාන සහ දංකොටුව ප්‍රාදේශීය ලේකම් කොට්ඨාශ වලට අයත් මහ ඔය නිම්නයේ පහත්බිම් ප්‍රදේශ වලට සැලකිය යුතු මට්ටමේ ගංවතුර තත්ත්වයක් ඇති විය හැකි බවට අනතුරු අඟවා ඇත.

මේ තත්ත්වය සම්බන්ධයෙන් දැඩි සැලකිල්ලකින් කටයුතු කරන ලෙස එම ප්‍රදේශ වල පදිංචි ජනතාවගෙන් සහ ප්‍රදේශ හරහා ගමන් ගන්නා වාහන පදවන්නන්ගෙන් වාරිමාර්ග දෙපාර්තමේන්තුව ඉල්ලා සිටී.