කිලිනොච්චිය,පරන්තන් හි ළදු  කැළැවක නරක්ව තිබු  මළ සිරුරක් සොයා ගත් බව කිලිනොච්චි පොලිසිය කියයි.

අනුරාධපුර හොරොව්පොතාන මාර්ගයේ නානුහල්මිල්ලැවේ දී යතුරු පැදියක් මාර්ගයෙන් ඉවතට පැන කුඹුක්ගසක ගැටීමෙන් යතුරුපැදිකරු (22) මියගිය බව හොරොව්පොතාන පොලිසිය කියයි.

පොල් ලී ගොඩකට ගිනි ඇවිලීමෙන් හොරොව්පොතානේ ලී මඩුවක් අද (14) අලුයම ගින්නෙන් වැනසී ගිය බව හොරොව්පොතාන පොලිසිය කියයි.

ගංජා කිලෝ දෙකක් විකිණිමට ළඟ තබා ගත් පිළිගත් එස්.ඒ.ජයමාන්නට අනුරාධපුර මහාධිකරණ විනිසුරු මංජුල තිලකරත්න මහතා රුපියල් තිස්දහසක දඩ නියම කළේය.

මහියංගණ මාපාකඩවැවදී පැහැරගත් බව කියන ත්‍රී රෝද රියක් කිලෝ මීටර් 35ක් දුර මීගහකිවුල, අකුරුකඩුව ගල්කඩේ අතුරු මාර්ගයක තිබියදී සොයාගත් බව පොලිසිය කියයි. ත්‍රී රෝද රිය එහි අතහැර දමා ගොස් ඇතැයි ද සැකකරුට අයත් බවට සැකකරන ටී ෂර්ටයක්  ඇතුළු භාණ්ඩ කිහිපයක්ද පොලිස් භාරයට ගෙන ඇත.

2015 ජුලි  17 වැනි දා  අම්බලන්ගොඩ  වෙළඳ ව්‍යාපාරියකු වන මාදුවගේ සරත් ද සිල්වා   ඝාතනය  කිරිම සම්බන්ධයෙන්  සැකපිට  එක් සැකකරුවකු අද (14) බම්බලපිටියේ දී අත්අඩංගුවට  ගත් බව පොලිසිය කියයි.

ඔහු ළඟ තිබි විදෙස් රටක නිෂ්පාදිත බෝම්බයක් සොයා ගෙන ඇත.

දෙමාසයක බිළිඳකුගේ සිරුරක් පේරාදෙණිය කුඩා ඔයෙන් සොයාගත් බව පොලිසිය කියයි.

බලංගොඩ අටවක්වෙළ  මාස 4 ක දරුවකු  මරා දැමී යැයි සැකපිට මව අත්අඩංගුවට ගත් බව පොලිසිය කියයි.