පොලයක් හිසට වැටී සිඟිතිය අවසන් ගමනේ

(සුරංග රාජනායක සහ ඩබ්.ඒ.අසේල)

ගලහා දෙල්තොට ප්‍රදේශයේදී පියාගේ ඇකයේ සිටි මාස 11 ක් වු දියණියගේ හිසට පොල් ගෙඩියක් වැටීමෙන් එම දරුවා මියගොස් ඇතැයි ගලහා පොලිසිය පවසයි.

මෙසේ අවාසනාවන්ත ලෙස මිය ගොස් ඇත්තේ ගලහා දෙල්තොට නාරන්හින්න වත්තේ පදිංචි ලෝගේෂ්වරන් කියාංෂිනි නැමති දැරියයි.

පියා විසින් මෙම දැරිය රැගෙන අසල්වැසි නිවසක් වෙත ගොස් යළි එමින් සිටියදී එම නිවස ඉදිරිපිට ඇති අඩි තිහක් පමණ ඉතා උස පොල් ගසක තිබුණු වේළුණු ගෙඩියක් ඇගේ හිසට වැටී තිබේ.

ඉන්පසු මොවුන් ත්‍රී රෝද රථයකින් එයයිම දැරිය දෙල්තොට ප්‍රාදේශීය රෝහල වෙතරැගෙන ගොස් තිබූ අතර ඇගේ තත්ත්වය ඉතා බරපතල නිසා එම රෝහලින් ඇය පේරාදෙණිය ශික්ෂණ රෝහල වෙත යවා තිබුණි.

මොවුන් පදිංචි පේළි නිවාස අසල ඇති මෙම පොල් ගසේ ගෙඩි පැසී තිබෙන විට කිසිවෙකුත් ඒවා කඩා නොමැති අතර එම ගෙඩි වේලි අනාරක්ෂිත ලෙස බිමට වැටීම සිදුවන බව පරීක්ෂණ පවත්වන පොලිසිය අනාවරණය කරගෙන තිබේ.

මෙම නිවාසවල තවත් කුඩා ළමුන් හා අනෙකුත් පිරිස් විශාල ලෙස සිටියත් මෙහි ඇති අවදානම පිළිබඳව ඔවුන් එතරම් සැලකිල්ලක් දක්වා නොමැති බව ද හෙළි වී තිබේ.

අදහස් (7)

පොලයක් හිසට වැටී සිඟිතිය අවසන් ගමනේ

කමල් Monday, 17 June 2024 12:50 PM

රත්තරන් දුවට නිවන් සුව.

: 1 45

sanath Monday, 17 June 2024 02:10 PM

අනේ එහෙම මරණයක් කොහොම වළක්වා ගන්නද? මරුවා එන ක්‍රම පුදුම සහගතයි. නිවන් සුව ලැබේවා පැටියෝ...!

: 2 21

ana Monday, 17 June 2024 02:38 PM

තම වට පිටාව තුළ ඇති ආපදා අවදානම් සහිත තත්වයන් ගැන වැඩිහිටියන් සැකිළිමත් වූවා නම්... මෙවැනි සිද්ධින් කීයක් නම් සිදු වුණාද අධ්‍යාපන බලධරයිනි, දැන්වත් මිනිසුන්ට ජීවත් වීමට අවශ්‍ය දැනුම, කුසලතා, ආකල්ප ලබාදෙන අධ්‍යාපනයක් සකස් කරන්න..

: 1 19

ජයනාත් Monday, 17 June 2024 02:49 PM

අතිශයින් දුක්ඛිත පුවතක් ... අපි අපේ වටාපිටාව ගැන අවබෝධයක් ඇතිව හැකි තරමට අනතුරු වළක්වා ගැනීම කෙතරම් වටිනව ද...

: 0 18

නිමල් Monday, 17 June 2024 03:17 PM

කලකට පෙර වාර්තා වුණා අකුරණ ප්‍රදේශයේ මවක් තම බිළිඳිය ඇකයේ වඩාගෙන පාරේ යන විට අසල ගල්කොරියක පිපිරුමෙන් විසි වුණ ගල් කැබැල්ලක් වැදී බිළිඳිය මිය ගිය පුවතක්.මෙවැනි සිදුවීම් පෙර කර්ම විපාක පලදීම හේතුවෙන් ද?

: 3 12

primeshika Monday, 17 June 2024 04:08 PM

මැරෙන්න තියනවා නම් කොතැන හිටියත් මැරෙනවා.. අප්පගේ ඇකයේ හිටියා කියලා බේරෙන්න බැහැ...!

: 1 12

Bunny Preena Tuesday, 18 June 2024 09:26 AM

උදාසීන ජන කොටසක් වෙන්ඩ් ඕනෑ

: 0 0