රුසියන් හමුදා සිදු කරන ප්‍රහාරවලින් යුක්රේනයේ දරුවන් 37 දෙනකු මියගොස් ඇතැයි එක්සත් ජාතීන්ගේ ළමා අරමුදල හෙවත් යුනිසෙෆ් සංවිධානය නිකුත් කළ නිවේදනයක දැක්වෙයි.

මියගිය දරුවන් 37 දෙනාට අමතරව, තවත් දරුවන් 50 දෙනකු රුසියන් ප්‍රහාර හේතුවෙන් තුවාල ලබා සිටින බව ද යුනිසෙෆ් සංවිධානය නිකුත් කළ නිවේදනයේ වැඩි දුරටත් සඳහන් වෙයි.

‘මා රුසියාවෙන් අහන්න කැමතියි යුක්රේන දරුවන් කළ වරද මොකක්ද? රුසියන් ප්‍රහාරවලින් යුකරේන දරුවන්ගේ ජීවිත උඩු යටිකුරු වෙලා. ඔවුන්ගේ අධ්‍යාපනය කඩා වැටිලා. පාසල්වලටත් රෝහල්වලත් රුසියාව පහර දෙනවා. මිලියනයකට වැඩි යුක්රේන දරුවන් සරණාගතයන් ලෙස අද යුක්රේනයෙන් පිටවෙලා. මේ දරුවන්ගේ අනාගතය අඳුරුයි. ඔවුන්ට ඕනෑ යුද්ධය නොවෙයි, සාමයයි’ යැයි යුනිසෙෆ් සංවිධානයේ ප්‍රධාන විධායක අධ්‍යක්ෂිකා කැතරීන් රසෙල් පවසා තිබේ.

(රොයිටර්)

යුක්රේන-රුසියා අර්බුදය:- වැඩිදුර තොරතුරු සඳහා මෙතැනින් පිවිසෙන්න