( සුමිත් පොතුපිටිය,  සමන් කාරියවසම් සහ බිමල් ශ්‍යාමන් ජයසිංහ )

පානදුර , පිංවත්ත ටි ඩීමන් සිල්වා මාවතේ දී ව්‍යාපාරිකයෙකු වෙඩි තබා ඝාතනය කර ඇතැයි පින්වත්ත පොලිසිය පවසයි.

සුඛෝපභෝගී ජීප් රථයකින් ගාලු පාර දෙස සිට මුහුදුබඩ මාර්ගය දෙසට ගමන්කර ඇති ජීප් රථය යතුරු පැදිකරුවන් දෙදෙනෙකු විසින් පැමිණ වෙඩි තබා පලා ගොස් ඇති බවට මෙතෙක් කල පරීක්ෂණ වලදී තහවුරුව  ඇතැයි පොලිසිය සඳහන් කරයි.

සුඛෝපභෝගී ජීප් රථයේ ගමන් කළ ව්‍යාපාරිකයා රියදුරු අසුනේම මියගොස්  සිට ඇති අයුරු දැකගත හැකි විය.

සම්පත් කුඩාගොඩ නමැති 56 හැවිරිදි කඩවත, කිරිල්ලවල ප්‍රදේශයේ පදිංචි පුද්ගලයකු බව පොලිසිය සඳහන් කරයි.

මියගොස්  ඇති තැනැත්තා කඩවත ප්‍රදේශයේ රට බීම හලක හිමිකරුවෙකු බවත් පොලිසිය කීය.

යතුරුපැදියකින් පැමිණි තුවක්කුකරුවන් වෙඩි තබන්නට ඇති බවට සැක පළ කරන බවත් ඔවුන් සොයා පොලිස් කණ්ඩායම් කිහිපයක් යොදවා ඇති බවත් පොලිසිය සඳහන් කරයි.

පානදුර අපරාධ ස්ථාන පරීක්ෂණාගාර නිලධාරීන් පරීක්ෂණ සිදුකරනු ලබයි.