පොඩි සැත්කමකට රෝහලට ගිය ධනුජ නොකියාම ගිහින්

(බිමල් ශ්‍යාමන් ජයසිංහ)

ශල්‍යකර්මයක් සඳහා ශ්‍රී ජයවර්ධනපුර රෝහලට ඇතුලත් කළ 9 හැවිරිදි පිරිමි දරුවකු ශල්‍යකර්මයෙන් පසු පියවී සිහිය නොලබාම මිය මියගිය බවට පොලිසියට පැමිණිලි කර ඇත.

මෙලෙස අවාසනාවන්ත ලෙස මියගොස් ඇත්තේ අඟුරුවාතොට , හල්තොට ,පෙතිගමුව පදිංචිව සිටි හොරණ අශෝක විද්‍යාලයේ සිව්වන වසරේ අධ්‍යාපනය ලැබූ ධනුජ වික්‍රමආරච්චි දරුවායි.

මියගිය දරුවාගේ මුත්‍රා මාර්ගයේ ඇතිවූ රෝගී තත්ත්වයකට ඔහුගේ මව්පියන් ශ්‍රී ජයවර්ධනපුර රෝහලට අනුයුක්ත වෛද්‍යවරයකු පිළියන්දල වෛද්‍ය මධ්‍යස්ථානයකදී චැනල් කර පෙන්වීමෙන් අනතුරුව වෛද්‍යවරයාගේ උපදෙස් මත ඉකුත් 17 වෙනි දින ඔහු සේවය කරන ශ්‍රී ජයවර්ධනපුර රෝහල වෙත ඇතුළත් කර තිබූ බව පොලිසිය කියයි.

පසුදින (18) දහවල් 01.30 ට පමණ අදාළ ශල්‍යකර්ම සඳහා නිර්වින්දනය කර ශල්‍යකර්මයට භාජනය කර ඇති අතර , එම ශල්‍යකර්ම අවසන් වුවද දරුවාට පියවී සිහිය ලැබී නැත.

අනතුරුව මව්පියන් හා ඥාතීන්ගේ බලවත් ඉල්ලීම මත රෝහල් බලධාරීන් එම දරුවා වැඩිදුර ප්‍රතිකාර සඳහා බොරැල්ල රිජ්වේ ආර්යා ළමා රෝහලේ දැඩිසත්කාර ඒකකයට එදින සවස 6.45 ට පමණක් ඇතුළු කර ඇති අතර සිව් දිනකට පසු (22) පෙරේදා සවස 4.30 ට පමණ දරුවා මියගොස් ඇතැයි ඥාතීන් පොලිසියට කරන ලද පැමිණිල්ලේ සඳහන්ය.

ඥාතීන් විසින් මිරිහාන පොලිසියට කරන ලද පැමිණිල්ලේ උද්‍රිත පිටපත් දරුවාගේ මරණය බොරැල්ල පොලිස් වසමේ රිජ්වේ ආර්යා ළමා රෝහලේ සිදුවී ඇති බැවින් බොරැල්ල පොලිසිය වෙත යොමු කළ බව උසස් පොලිස් නිලධාරියෙක් පැවසීය.

දරුවාගේ මරණය සම්බන්ධයෙන් අධිකරණයට කරුණු වාර්තා කිරීමට නියමිතය.

අදහස් (6)

පොඩි සැත්කමකට රෝහලට ගිය ධනුජ නොකියාම ගිහින්

sathyapala Tuesday, 24 December 2024 02:09 AM

ඕනෑම රටක කොතරම් දියුණු ක්‍රම තිබුණත් සැත්කමකදී මිනිසුන් මියයන්නට පුළුවන්. එය රෝහල්වල තිබෙන පහසුකම් මත වෛද්‍ය හෙදි සහ සහායක කාර්යමණ්ඩලේ දක්ෂතාව පළපුරුද්ද මත ලබාදෙන ඖෂධවල තත්වය වැනි කරුණු මත වෙනස් වෙනවා. එහෙත් මේ රෝහලේ මේ විදිහේ සිදුවීම් ප්‍රමාණය ඉහළ අගයක්. වහා මේ පිළිබඳව සොයා බැලිය යුතුයි...

: 0 0

Perera Tuesday, 24 December 2024 07:41 AM

සෞඛ්‍ය ඇමැතිතුමාටත් මේ බව අනිවාර්යයෙන් දන්වන්න.

: 0 0

රුචිර Tuesday, 24 December 2024 07:43 AM

ධනුජ වික්‍රමාරච්චි පුතා මින් මතු උපදින කිසිදු භවයක මෙවන් අකල් මරණයකට ගොදුරු නොවේවා...!!! නිවන් සුව අත්වේවා...!!!

: 0 0

Kalindu Tuesday, 24 December 2024 11:47 AM

ලංකාවෙ දොස්තරලගෙ වැරදින් සිදුවන කිසිම මරනයකට නිසි දඩුවමක් නෑ. වගකිය යුත්තෙක් නෑ. මෑතකදි කුඩා දරුවෙක්ගෙ වකුගඩුව ගලවල වික්ක. ලමය මිය ගියා. දිස්තරල දෙන්නම රට පැන්න. අදවෙනකන් කිසිම දඩුවමක් නෑ.නීති සිසුවියකගෙ වැරදි අතක් කැපුව. කිසිම දඩුවමක් නෑ. අලුත් ආන්ඩුවෙන්ව ත් මේකට පිලියමක් යෙදිය යුතුයි . දොස්තරලව Rate Review කරන්න පද්ධතියක් යෙදිය යුතුයි. නමුත් අලුත් ආණ්ඩුවෙත් ඉන්නෙ දොස්තරලම නිසා එයාලත් ඒ පැත්තම ගනී GMOA නඩයත් එලියට එන්නෙ පඩි වැඩි කරගන්නයි, දොස්තර කෙනෙක කවුරු හරි බැන්නොත් ස්ට්‍රීක් කරන්නයි විතරයි.

: 1 25

Chandawimala himi Tuesday, 24 December 2024 02:12 PM

අනේ මන්දා මේ රට .බෙහෙතුයි දොස්තරල්යි ඔක්කොම එකයි . කිසි වගකීමක් නැහැ ජීවිත වලට .නරක බෙහෙත් නම් ඒවා පාවිච්චි නොකර ඉන්න ඕන

: 0 16

Hsp fonseka Friday, 27 December 2024 10:21 PM

පව් දරුවා ළමයින්ට සුදුසු රෝහල්... රජිව් ළමා රෝහල් බේත් නෑ රෝහල්වල කිසිම වගකීමක් නෑ.

: 0 0

ඔබේ අදහස් එවන්න

එසැණ පුවත්

ජනපති වියට්නාමයට

2025 මැයි මස 03 1 0

ජනාධිපති අනුර කුමාර දිසානායක මහතා වියට්නාමයේ තුන් දින නිල සංචාරයක් සදහා කටුනායක ගුවන් තොටුපොළෙන් 05/03 දින පස්වරුවේ පිටත්ව ගිය බව ගුවන් තොටුපොළ කාර්යය

ඩෑන් ඝාතනයේ සැකකරු රඳවා ගන්න අවසර

2025 මැයි මස 03 194 0

ඩෑන් ප්‍රියසාද් ඝාතනයේ වෙඩික්කරු පැය 48 කාලයකට රඳවාගෙන ප්‍රශ්න කිරීමට අවසර ලබා ගත්බව බස්නාහිර පළාත් දකුණ දිශාව අපරාධ කොට්ඨාසය කියයි

පුංචි ඡන්දෙ ගමන් බිමන් වලට ගිය සල්ලි ආණ්ඩුවට දෙනවා

2025 මැයි මස 03 916 0

පළාත් පාලන ඡන්ද ප්‍රචාරක කටයුතු සඳහා තමාගේ ගමන් බිමන්වලට වැය වූ ඉන්ධන මුදල් නැවත රජයට පියවන බව ජනාධිපති අනුර දිසානායක මහතා පැවසීය.

පුංචි ඡන්දයේ මුල්ම ප්‍රතිඵලය රෑ 11ට

2025 මැයි මස 03 393 0

පළාත් පාලන මැතිවරණයේ පළමු ඡන්ද ප්‍රතිඵල රාත්‍රී 11 වන විට ප්‍රකාශයට පත් කිරීමට බලාපොරොත්තු වන බව මැතිවරණ කොමිෂන් සභාවේ සභාපති ආනන්ද රත්නායක මහතා පැවසී

හරක් කටාට දුරකථනයක් දුන් එස්.ටී.එෆ් කොස්තාපල් අත්අඩංගුවට

2025 මැයි මස 03 1232 0

ත්‍රස්තවාදී පනත යටතේ රැඳවුම් නියෝග ලබා තංගල්ල පැරණි බන්ධනාගාරයේ රඳවා සිටින සංවිධානාත්මක අපරාධ කල්ලි නායකයෙකු වශයෙන් හඳුන්වන නදුන් චින්තක නොහොත් හර

පාලම් 97ක වැඩ කොටඋඩ

2025 මැයි මස 03 532 0

ගිවිසුම් අවලංගු කෙරුණු පාලම් 97ක ඉදිකිරීම් කොන්ත්‍රාත්කරුවන්ට 2023 වසරේදී රුපියල් කෝටි 33කට වැඩි මුදලක් ගෙවා ඇතැයි ජාතික විගණන කාර්යාලය නිකුත් කළ වාර්තා