(අංජුල මහික වීරරත්න)

රජය පවතින තුරු පුරවැසියන්ට සහ වෘත්තිකයින්ට තම රාජකාරිය සිදු කිරීමට අවශ්‍ය පහසුකම් නිසි පරිදි ලබා දෙන බව අධිකරණ සහ ජාතික ඒකාබද්ධතා අමාත්‍ය හර්ෂණ නානායක්කාර මහතා පැවසීය.

රජය බලයට පත් වුණේ යුක්තිය නිසි පරිදි ඉටු කර නීතියේ විධානයේ ආධිපත්‍යය තහවුරු කිරීමට බවද අමාත්‍යවරයා කීය.

අමාත්‍ය හර්ෂණ නානායක්කාර මහතා මෙම අදහස් පළ කළේ යුක්තිය පසිඳලීමේ කාර්යභාරය වඩාත් කාර්යක්ෂම කිරීමේ අරමුණින් රුපියල් මිලියන 202 ක මුදලක් වැය කරමින් අභිනවයෙන් ඉදි කරන ලද පුත්තලම නව අධිකරණ ගොඩනැගිල්ල ජනතා අයිතියට පත් කිරීමේ අවස්ථාවට  එක්වෙමිනි.

නොරොච්චෝල විදුලි බලාගාරයෙන් ඉවත් කරන ලද අළුවලින් සකස් කළ ගඩොල් භාවිතා කරමින් මෙම  අධිකරණ ගොඩනැගිල්ලේ ඉදි කිරීම් සිදු කර ඇති අතර අධිකරණ අමාත්‍යවරයා ඉදි කිරීම් සිදු කළ පෙදරේරු මහතා සමඟ හමුවී සුහද කථා බහක ද  නිරත විය.