“7 වැනි දෙරණ සිනමා සම්මාන උළෙලේදී” වසරේ හොඳම අධ්යක්ෂණය ඇතුළු සම්මාන 5 ක් හිමිකරගත් සංජීව පුෂ්පකුමාර අධ්යක්ෂණය කළ ‘දැවෙන විහඟුන්’(Burning Birds) චිත්රපටය ප්රේක්ෂක ඉල්ලීම මත යළිත් වතාවක් අද (12) සිට සීමිත සිනමාශාලා කිහිපයක ප්රදර්ශනය කිරීමට කටයුතු යොදා තිබේ.
ඒ අනුව කොළඹ රීගල් (ප.ව. 2.00) බොරැල්ල - ලිඩෝ (දිනපතා ප.ව.4.15 සහ සෙනසුරාදා ඉරිදා පස්වරු 4.15/7.00) වැල්ලවත්ත - සැවෝයි ප්රිමියර් (ප.ව. 4.15) යන සිනමාශාලාවල තිරගතකරේ.
“දැවෙන විහඟුන්” චිත්රපටය “දෙරණ සම්මාන උළෙලේදී” වසරේ හොඳම අධ්යක්ෂණය වසරේ හොඳම නිළිය වසරේ හොඳම සහාය නිළිය, වසරේ හොඳම සහාය නළුවා, වසරේ හොඳම වේශ නිරූපණ ශිල්පියා යන සම්මාන හිමිකරගත් අතර, එහිදී වසරේ හොඳම කැමරාකරණය, වසරේ හොඳම සංගීතය, වසරේ හොඳම තිර රචනය, යන සම්මාන සඳහාද නිර්දේශ වීම විශේෂත්වයකි. එමෙන්ම
පසුගියදා නිමාවූ ‘9 වැනි සාර්ක් සිනමා උළෙලේදී’ හොඳම නිළිය හා හොඳම සංස්කරණය යන සම්මාන ද්විත්වයද හිමිකරගැනීමට සමත්විය.
දැවෙන විහඟුන් චිත්රපටය මීට පෙර ජිනීවාහි ‘15 වැනි මානව හිමිකම් ජාත්යන්තර චිත්රපට උළෙලේදී’ හොඳම චිත්රපටය ලෙසත්, යොවුන් ජූරි සම්මානයත්, ටෝකියෝ හි ‘17 වැනි ෆිල්ම්ටෙක්ස් ජාත්යන්තර සිනමා උළෙලේදී’ විශේෂ ජූරි සම්මානයත්, ලොස් ඇන්ජලීස්හි ‘3 වැනි ලෝක ආසියා චිත්රපට උලෙලේදී’ හොඳම නිළිය සම්මානයත් හිමිකරගන්නා ලදී.
- යහම්පත්
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
දැවෙන විහඟුන් අද සිට යළි තිරයේ
ලුම්බිණි Saturday, 13 July 2019 01:00 AM
"ප්රේක්ෂක ඉල්ලීම මත" කියන එක මොකද්ද? කවුද මේ ප්රේක්ෂකයෝ?
jayath Saturday, 13 July 2019 04:15 AM
බුලත් මඩිස්සලේට හෙන ගැහුවම කිල්ලෝටෙට වෙනදේ ගැන කතා දෙකක් නැහැ... රටේ අනිත් දේවල් වගේම සිනමාවටත් දැන් කණකොකා අඬලා නිර්මාණාත්මක අධ්යක්ෂවරු නැහැ. දැන් ඉන්නේ කොට්ටාශ 3ක් විතරයි 1) අන්තර් ජාතික සිනමා උළෙලවල් ඉලක්ක කරගෙන ඒවායින් සම්මාන බලාගෙන, මොකක් හරි හදන අය 2) පුරාණ රජ කතා, ඉතිහාස කතා, බෞද්ධකතා වලට මාර්කට් එකක් තියන හින්දා ඒවම හදන අය (අපේ සමහර ගෞරවනීය, අධ්යක්ෂකවරුත් මේ ගණයට වැටිලා) 3) ගැලරියට චිත්රපට හදන අය. දැන් පතිරාජලා, සුගතපාල යාපාලා, ධර්මසිරිලා වග අය නෙමෙයි... අඩුතරමින් එච්.ඩී. ලා වගේ මැද මාවතක් වත් නැහැ.
PrsbaSunday, 14 July 2019 05:49 AM
සම්පූර්ණ අසත්යයක්. අද ඉතා හොඳ නිර්මාණ බිහිවෙනවා. 28 , හෝ ගානා පොකුණ වැනි නිර්මාණ ලංකාවේ බිහිවූ හොඳම චිත්රපට අතරට වැටෙනවා. දහසක් කරදර මැද විශිෂ්ට නිර්මාණයන් කරන අපේ කලාකරුවන්ට ගරහන්න එපා. තමන්ගේ හීනමානය වෙන කොහේහරි පෙන්න ගන්න