(ප්‍රේමතිලක පෙරමුණ සහ ඉන්දිකා රාමනායක) 

වයස අවුරුදු 09 ක පිරිමි දරුවෙකුට අමානුෂික ලෙස පහර දුන්නා යැයි සැකපිට දරුවාගේ සුළු පියා යැයි සැලකෙන සැකකරුවෙකු අත්අඩංගුවට ගත් බව මීගහතැන්න  පොලිසිය පවසයි 

මෙසේ අත්අඩංගුවට ගෙන ඇත්තේ මීගහතැන්න ලිහිණියාව හලවල් කැලේ ප්‍රදේශයේ පදිංචි පුද්ගලයෙකු බවද  දරුවාගේ මව විදේශගතව ඇති බවත්  පොලිසිය පවසයි

සැකකරු වෙත දරුවා බලා ගැනීමට බාරදි මව විදේශගතව ඇති බවත්, සැකකරු බීමත්ව පැමිණ දරුවාට ප්ලාස්ටික් බටේකින් වැනි දෙයකින් පහර දුන් බව මූලික පොලිස් පරීක්ෂණවලදී  අනාවරණය වී ඇත

පහර දීම් ඉවසාගත නොහැකි වූ දරුවා නිවසින් පිටව මහා මාර්ගය දිගේ ඇවිද යන අතරතුර පොලිසිය වෙත  ලැබුණු තොරතුරක් අනුව එම දරුවා පොලිසිය වෙත රැගෙන ආ බව  මීගහතැන්න පොලිස් ස්ථානාධිපති ප්‍රධාන පොලිස් පරීක්ෂක චින්තක දහනායක මහතා පැවසීය  

  තම සුළු පියා බීමතින් පැමිණ නිවසින් පිටවන ලෙස පවසා තමාට පහර දෙන බව ද , ඒ අවස්ථාවලදී  අසල්වාසී නිවෙස් වලට ගිය විට සැකකරු අසල්වාසීන්ට ද   බැන වදින බවත් , ඒ නිසා තමා වෙන කොහේ හරි යන බවත් දරුවා පැවසූ බව  පොලිස් ස්ථානාධිපතිවරයා සඳහන් කළේය 

දරුවාගේ ශරීරයේ ස්ථාන කිහිපයක යම් කැලැල් කීපයක් තිබෙන බවත් ,අධිකරණ උපදෙස් ලැබීමෙන් පසු   දරුවා වෛද්‍ය පරීක්ෂණයක් සඳහා ඉදිරිපත් කිරීමට කටයුතු කරන බව පොලිසිය සඳහන් කරයි