බාටා - සන්ඬේ ටයිම්ස් වසරේ පාසල් කී‍්‍රඩකයා තේරීමේ තරගයේ ආරම්භයේ සිට පසුගිය සති පහක කාලයක් පුරාවටම ඡන්ද සටහනේ සමස්ත ලංකා කාණ්ඩයේ පෙරමුණේ රැදී සිටි තර්ස්ටන් විද්‍යාලයේ මින්හාජ් ජලීල්, මේ සතිය තුළදී ලබාගත් ඡන්ද 1750 ත් සමගින් ඡන්ද 10,000 සීමව පසු කිරීමට සමතව සිටියි.

එම කාණ්ඩයේම දෙවැනි ස්ථානයේ පසුවූ රිච්මන්ඞ් විද්‍යාලයේ ඒ. කේ. ටිරෝන් පසුගිය සතිය තුළදී ලබාගෙන ඇත්තේ ඡන්ද 18 ක් පමණි. කෙසේ වුවත් ටිරෝන්ගේ සමස්ත ඡන්ද සංඛ්‍යාව 3492 දක්වා වර්ධනය වී තිබේ.

පසුගිය සතිය තුළදී ඡුන්ද 180 ක් ලබාගෙන සමස්ත ඡන්ද 2500 සීමාව ඉක්මවා යාමට සමත් වූ කොළඹ ශාන්ත පීතර විද්‍යාලයේ දුෂාන් හේමන්ත මේ වනවිට සමස්ත ලංකා පාසල් කාණ්ඩයේ තෙවැනි ස්ථානයේ පසුවේ.    

නැගී එන කාණ්ඩයේ කී‍්‍රඩකයන් අතර පෙරමුණේ රැදීසිටින ගාල්ල විද්‍යාලෝක විදුහලේ සංජු ශාරුක් පසුගිය සතිය තුළදී ලබාගත් ඡුන්ද 198 ත් සමග සමස්ත ඡන්ද 706 ක් ලබාගෙන තවදුරටත් තම ස්ථානය රැකගැනීමට සමත්ව තිබේ.

ලේටන් පාර්ක් විද්‍යාලයේ වලීඞ් ජිෆ්රි ඡුන්ද 3500 සීමාව පසුකිරීමට සමත්වූයේ පසුගිය සතිය තුළදී ලබාගත් ඡුන්ද 505 ත් සමගිනි. ඔහු තවදුරටත් අන්තර් ජාතික පාසල් කාණ්ඩයේ පෙරමුණේ පසුවෙයි.

මෙම තරගයට අදාළ කූපන් පත් මේ වසරේ ජනවාරි 1 වනදා සිට විජය පුවත් පත් අයතනයේ, දිනපතා පළවන ‘ලංකාදීප’ සහ ‘ඬේලි මිරර්’ පුවත් පත්වල සහ සති අන්තයේ පළවන ‘සන්ඬේ ටයිම්ස්’ පුවත් පතේ පළවේ. තමන් කැමතිම කීඩකයා වෙනුවෙන් මනාපය පළ කිරීමට මැයි 30 වැනි දා දක්වා පඨකයන්ට අවස්ථාව ඇත.
පාඨකයින් වෙනුවෙන් ඇති තරගයේදී පහත නම් සඳහන් අය පසු ගිය සතියේ ජයග‍්‍රහණ හිමිකර ගැනීමට සමත්වී තිබේ.

සමස්ථ ලංකා පාසල් කාණ්ඩය

නැගී එන පාසල් කාණ්ඩය 

අන්තර්ජාතික පාසල් කාණ්ඩය 

ත්‍යාග හිමිකරගත් පාඨකයෝ 

1. ජී. එල්. විජේසිංහ, නො. 578, ගොහගොඩ පාර, කටුගස්තොට
2. එච්. පී. ප‍්‍රසන්න සුජිත්, නො. 138/3, ශාලා මංසන්දිය, උහන, අම්පාර
3. ඬේවින් යසත් සේරසිංහ, නො. 24, වික‍්‍රමසිංහපුර, බත්තරමුල්ල