ටයිටැනික් කම්හලේ හැදූ නැව ගල්කිස්සේ ගිළිලා

ටයිටැනික් නැවේ නිෂ්පාදනාගාරයේ ම සෑදූ නැවක් 1917 දී ගල්කිස්ස මුහුදු වෙරළ ආසන්නයේ ගිලී ගොස් තිබියදී පසුගිය දා සොයාගෙන ඇතැයි ගාල්ල මුහුදු පුරාවිද්‍යා ඒකකය පවසයි.

බ්‍රිතාන්‍යයට අයත් වොස්ටර්ෂයර් නමැති මේ නෞකාව පළමු ලෝක යුද්ධයේ දී ජර්මන් නැවකින් ඇටවූ මුහුදු බෝම්බයකට හසුව විනාශ වූවකි. ගිලී ගිය නැවට අයත් සීනුව මධ්‍යම සංස්කෘතික අරමුදලේ ගාලු මුහුදු පුරාවිද්‍යා ඒකකයට භාර දී ඇත. ගල්කිස්සට කිලෝ මීටර 15ක් බටහිර මුහුදෙන් මේ සීනුව සොයාගෙන ඇත්තේ මුහුදු ගවේෂකයකු හා කිමිදුම් කරුවකු වන දර්ශන ජයවර්ධන මහතා විසිනි. එකළ නැවක සංඥා ලබාදීම සිදුකරන ලද්දේ නැවේ සීනුව භාවිතයෙන් බැවින් සීනුව නැවේ වැදගත් ම අංගයකි.

නැව 1917 පෙබරවාරි මස 16 සවස බෝම්බයෙන් හානියට පත්ව පසුවදා ගිලී ගොස් ඇතැයි මුහුදු පුරාවිද්‍යා ඒකකය පවසයි. ස්ථානය නිවැරදිව හඳුනාගෙන ඇතත් මෙතෙක් එම ස්ථානයේ ගවේෂණ සිදුකැර නැත. මුහුදු පුරාවිද්‍යා ඒකකය භාර නිලධාරී ඩබ්ලිව්.ඒ.චන්ද්‍රරත්න මහතා සහ පුරාවිද්‍යාඥ රසික මුතුකුමාරණ මහතා පවසන්නේ නුදුරු දිනක ගවේෂණ කටයුතු ආරම්භ කරන බවයි.

නැවේ සීනුව සංරක්ෂණය කිරීමෙන් පසු ගාල්ල සමුද්‍ර පුරාවිද්‍යා කෞතුකාගාරයේ තැන්පත් කිරීමට නියමිතය

අදහස් (0)

ටයිටැනික් කම්හලේ හැදූ නැව ගල්කිස්සේ ගිළිලා

ශේන් Wednesday, 26 March 2014 09:41 PM

ෂාහ් සීනුවනම් ඇන්ටික් අරගොල්ලන්ට බාර දුන්නොත් නරකද ? (දී)

: 0 0

දිසානායක උදය කුමාර Monday, 31 March 2014 11:41 AM

හොද පණිවිඩ සේවාවක් (දී)

: 0 0

සෑම් Wednesday, 26 March 2014 02:20 PM

මේකේ අතීත කතාව ටිකක් විස්වාස කිරීමට අපහසුයි . නැවට ජර්මානුන් බෝම්බ තබා ඒක පසුදා ගිලුණා . නම් එය ලංකාවට ආසන්න තැනක විය යුතුයි.මොකද ඔය කියන කාලේ පැයකට නොට් අසුවක් අනුවක් යන නැව් තිබුනේ නැහැනේ.(දිල්)

: 0 0

ජෝර්ජ් Thursday, 27 March 2014 12:35 AM

මේ නැවෙත් පෙම්වතුන් යුවළක් හිටියද දන්නේ නැහැ, ජැක් -රෝස් වගේ? (නි)

: 0 0

රණතුංග Wednesday, 26 March 2014 03:03 PM

හොද වෙලාවට අපේ කට්ටිය මේ විස්තරය කලින් දැනගෙන නොතිබුනේ. දන්නවා නම් මුහුදත් හාරයි.(නදී)

: 0 0

කුමාරි Wednesday, 26 March 2014 04:49 PM

රණතුංග, දැන් උනත් කස්ටියට බහින්න පුළුවන් වැඩේට. (ස)

: 0 0

චන්දි Wednesday, 26 March 2014 04:55 PM

මේ වගේ ගණ්ඨාරයක් අපේ දිහාත් තියෙනවා. (ස)

: 0 0

රොහාන් Wednesday, 26 March 2014 05:12 PM

චන්දි ඒ ඔයාලගේ සීයාගේ එක (දී)

: 0 0

රංග Thursday, 27 March 2014 08:50 AM

ජෝර්ජ් පෙම්වතුන් යුවලක් හිටියා. ඒ ඔයාලගේ ආච්චියි සීයයි. (ස)

: 0 0

චමින්ද Wednesday, 26 March 2014 05:30 PM

චන්දිගේ අදහස කියවලා මට හිනහව නවත්වාගන්න බැරුව ගියා.හිනහවෙලා කදුළුත් ආවා. (නි)

: 0 0

අකිල Wednesday, 26 March 2014 07:06 PM

චමින්ද, එහෙනම් කඳුළු පිහිදාගන්න. නැත්නම් හිතයි අඩනවා කියලා. (නි)

: 0 0

අසෝකා Wednesday, 26 March 2014 07:15 PM

දැන් ඉතින් අලුතින් ඇන්ටික් හදන අය‍ට, තවත් අලුත් අදහසක්. බලනකොට ලංකාවේ මිනිසුන් කොයිතරම් දක්ෂද? (නි)

: 0 0