ලංකා ගුරු සංගමයේ 59 වැනි නියෝජිත සම්මේලනය අද මඩකලපුව මහජන විද්‍යාලයයේ දී පැවැත්විණි.

දිවයින්නේ සෑම ප්‍රදේශයක්ම නියෝජනය වන පරිදි ගුරුවරු විශාල පිරිසක් ඊට එක්ව සිටියහ.

එළඹෙන වසරේ දිනා ගත යුතු ඉල්ලීම් 84ක් හා යෝජනා 14ක් අද සම්මේලනයේ දී සම්මතර කර ගැනිණි. අධ්‍යාපන ක්ෂේත්‍රයට අයත් ඉල්ලීම් ඒ අතර වන බව ගුරු සංගමයේ ලේකම් ජෝසප් ස්ටාලින් මහතා කීවේය.

ඉදිරි වර්ෂය සඳහා ලංකා ගුරු සංගමයේ නිලධාරී මණ්ඩලය තෝරා ගැනීම ද අද සිදුවිය.

ජෝසප් ස්ටාලින් මහතා ප්‍රධාන ලේකම් ලෙසත්, ප්‍රියන්ත ප්‍රනාන්දු මහතා සභාපති ලෙසත්, එච් එම් ගුණරත්න මහතා භාණ්ඩාගාරික ලෙසත් තෝරා පත් කර ගැනිණි.