(රොමේෂ් ධනුෂ්ක සිල්වා)

ඉන්දියාවෙන් ප්‍රදානය කරනු ලැබූ, කොවිෂීල්ඩ් නම් කොරෝනා මර්දන එන්නත කොළඹ ජාතික රෝහලේ හදිසි අනතුරු ඒකකයේ වෛද්‍යවරුන්, හෙදියන් ඇතුළු කාර්ය මණ්ඩලයට අද(29) එන්නත් කිරීම ඇරඹිණි.

ශ්‍රී ලංකාවේ පුරවැසියකුට එය එන්නත් කිරීම ආරම්භ කළේ අද දිනයේදී ය.

ජාතික රෝහලේ අධ්‍යක්ෂ ඩබ්ලිව්. ඩී. වික්‍රමසිංහ මහතා ඇතුළු කාර්ය මණ්ඩලය, ඉන්දීය මහකොමසාරිස් කාර්යාලයේ විශේෂ නියෝජිත වෛද්‍ය රාකේෂ් පාණ්ඩේ, විවේක් ෂර්මා යන මහත්වරු ද මේ අවස්ථාවට එක්ව සිටියහ.

ජාතික රෝහලේ අධ්‍යක්ෂ වෛද්‍ය වික්‍රමසිංහ මහතා පැවසුවේ කොළඹ ජාතික රෝහලේ සමස්ත කාර්ය මණ්ඩලයටම අද, හෙට, අනිද්දා යන දින තුනෙහිදී මෙම එන්නත ලබාදීමට කටයුතු කරන බවයි.