(පුෂ්පකුමාර මල්ලවාරච්චි සහ ආනන්ද ඊ ජයකොඩි)

කොරෝනා වයිරසය ආසාදනය වීමෙන් පසු ප්‍රතිකාර සදහා කල්මුණ මරදමුනෙයි ප්‍රාදේශීය රෝහලට ඇතුලත් කළ ගම්පහ ප්‍රදේශයේ හැට දෙනකුගෙන් සමන්විත පිරිසක් සුව වීමෙන් පසු ප්‍රවාහන පහසුකම් නැතිව සති දෙකකටත් වැඩි කාලයක් මරදමුනෙයි ප්‍රාදේශීය රෝහලේ ඉතා අසරණව සිටින බව ඔවුහු පවසති.

කොරෝනා වයිරසය ආසාධිත බවට හඳුනා ගැනීමෙන් පසු සති දෙකකට පෙර බස් රථ දෙකකින් ගම්පහ සිට මෙම පිරිස මරදමුනෙයි රෝහල වෙත රැගෙනවිත් ඇතුලත් කර ඇත.

දින 10 ක් සම්පූර්ණවීමෙන් පසු ආපසු යාහැකි බව පවසා ඇතත් මේ වනවිට සති දෙකක් ඉක්ම ගොස් ඇතැයි ඔවුහු පවසති.

කුඩා දරුවන් 15 ක්ද වන බවත් ඒ අතර මාස නවයක් වයසැති බිළිදකු ද වන බවද ඔවුහු සදහන් කරති.

දින දහයකට ප්‍රමාණවත් ඇදුම් හා කුඩා දරුවන්ට අවශ්‍ය ආහාර පාන ආදිය තමන් රැගෙන ආ බවත් ඒවා මේ වනවිට අවසන් වීමෙන් දරුවන් කුසගින්නේ තැබීමට සිදුව ඇතැයිද ඔවුහු සදහන් කරති.