2025 ජුනි මස 16 වන සඳුදා
2025 ජුනි මස 16 වන සඳුදා
(අංජුල මහික වීරරත්න)
කොළඹ නගරාධිපති ධුරයට පත්වන්නේ ජාතික ජන බලවේගයේ ව්‍රායි කැලී බල්තසාර් මෙනවිය ද සමගි ජන බලවේගයේ රිසා සාරුක් මහතා ද යන්න කොළඹ මහ නගර සභාවේ පළමු රැස්වීමේ දී හෙට (16) තීරණය කෙරෙයි.
පළාත් පාලන මැතිවරණයේදී ප්‍රධාන පක්ෂ එකකටවත් සියයට 50 ඉක්මවා ගිය ඡන්ද ප්‍රතිශතයක් නොලැබුණු හෙයින් කොළඹ මහ නගර සභාවේ නගරාධිපතිවරයා තෝරා පත් කර ගැනීම සඳහා වන ඡන්ද විමසීම බස්නාහිර පළාත් පාලන කොමසාරිස් සාරංගිකා කල්හාරි ජයසුන්දර මහත්මියගේ ප්‍රධාන්වයෙන් කොළඹ මහ නගර සභාවේදී හෙට පෙරවරු 9.30ට පැවැත්වීමට තීරණය කෙරිණි.
පළාත් පාලන මැතිවරණයේදී ජාතික ජන බලවේගය කොළඹ මහ නගර සභාව සඳහා ඡන්ද 81814ක් ගෙන සියයට 36.92ක ඡන්ද ප්‍රතිශතයක් වාර්තා කළ අතර සභික ධුර 48ක් ලබා ගත්තේය.
දෙවැනි තැනට පත් සමගි ජන බලවේගය ඡන්ද 58375ක් ලබා ගනිමින් සියයට 26.34ක ඡන්ද ප්‍රතිශතයක් වාර්තා කරමින් සභික ධුර 29ක් ලබා ගත්තේය.
කොළඹ මහ නගර සභාවේ බලය පිහිටුවීම සඳහා සභික ධුර 59ක් අවශ්‍ය වන අතර ජාතික ජන බලවේගයට කොළඹ මහ නගර සභාවේ බලය පිහිටුවීම සඳහා තවත් සභික ධුර 11ක අවශ්‍යතාවය පවතී.
සමගි ජන බලවේගයට කොළඹ මහ නගර සභාවේ බලය තහවුරු කර ගැනීමට තවත් සභික ධුර 30ක් අවශ්‍යය.
එක්සත් ජාතික පක්ෂය, ශ්රී ලංකා පොදු ජන පෙරමුණ, ශ්රී ලංකා මුස්ලිම් කොංග්‍රසය,එක්සත් සාම සන්ධානය,සර්වජන බලය,පොදු ජන එක්සත් පෙරමුණ, ජාතික නිදහස් පෙරමුණ, එක්සත් ජනරජ පෙරමුණ,ප්‍රජාතන්ත්‍රවාදී ජාතික සන්ධානය, ඇතුළු ස්වාධීන කණ්ඩායම් විසින් කොළඹ මහ නගර සභාවේ සභික ධුර 40ක් අත්පත් කරගෙන ඇති අතර ප්‍රධාන පක්ෂ දෙක විසින් එම සභිකයන් තමාගේ ගොඩට දිනා ගැනීම සඳහා දැඩි අරගලයක නිරත වන අයුරු දැක ගත හැකි විය.
කොළඹ මහ නගර සභාවේ බලය පිහිටුවීම සම්බන්ධයෙන් අදහස් දක්වමින් මහජන ආරක්ෂක සහ පාර්ලිමේන්තු කටයුතු නියෝජ්‍ය අමාත්‍ය නීතිඥ සුනිල් වටගල මහතා පැවසූයේ ව්‍රායි කැලී බල්තසාර් කොළඹ මහ නගර සභාවේ නගරාධිපතිවරිය ලෙස අනිවාර්යයෙන්ම පත්වන බවයි.කොළඹ මහ නගර සභාවේ බලය පිහිටුවීම පිළිබඳ සටන මේ වන විට අවසන්ව තිබෙන බව කී නියෝජ්‍ය අමාත්‍යවරයා සඳුදා දිනයේදී මාලිමාවේ ව්‍රායි කොළඹ නගරාධිපති ලෙස වැඩ බාර ගන්නා බව සඳහන් කළේය.
සමගි ජන බලවේගයේ මැද කොළඹ ප්‍රධාන සංවිධායක පාර්ලිමේන්තු මන්ත්‍රී මුජිබුර් රහුමාන් මහතා පැවසූයේ සමගි ජන බලවේගයේ රිසා සාරුක් අනිවාර්යයෙන්ම නගරාධිපති ධුරයට පත්වන බවයි.
" අපි මේ මැච් එක ගහනවා" යනුවෙන්ද මුජිබුර් රහුමාන් මහතා සඳහන් කළේය. මේ වන විටත් විපක්ෂයේ බහුතර සහාය සමගි ජන බලවේගයට ලැබී තිබෙන බව කී මුජිබුර් රහුමාන් මහතා නගර සභාවේ බලය පිහිටුවීම ගැන සමගි ජන බලවේගයට කිසිම කුකුසක් නැති බව සඳහන් කළේය.
කොළඹ නගර සභාව හෙට රැස්වූ පසුව පළමුවෙන්ම නව නගරාධිපති සහ නියෝජ්‍ය නගරාධිපතිවරයා තෝරා පත් කර ගැනීම පළමු කාර්යය ලෙස සිදුවනු ඇත.
2025 ජුනි මස 05
1531
0
රී ලංකාවේ සුළං බලශක්ති ක්ෂේත්‍රයේ විශාලතම පුද්ගලික ආයෝජනය වන මෙගාවොට් (MW) 50ක ධාරිතාවයකින් යුතුව මන්නාරම ප්‍රදේශයේදී ඉදිකිරීමට නියමිත සුළං බලාගාර ව්‍
2025 මැයි මස 28
547
0
මැයි 27, 2025 කොළඹදී. ශ්රී ලංකාවේ විශාලතම සහ දැවැන්තම ජීවිත රක්ෂකයා ලෙස ශ්රී ලංකා ඉන්ෂුවරන්ස් ලයිෆ්, සිය ආයතනික සමාජ වගකීමි වැඩසටහනක් ලෙස දියත් කරන ලද
2025 මැයි මස 23
618
0
ජාත්‍යන්තර වෙළෙඳපොළ පිලිබඳ විශේෂඥතාවක් ඇති ඩිජිටල් පරිවර්තන සමාගමක් වන Victrix Tech (Pvt) Ltd, ශ්රී ලංකාවේ ව්‍යාපාරික වෙළඳපොළ සඳහා සිය ව්‍යාපාර කටයුතු පුළුල් කර
කොළඹ නගරාධිපති ව්‍රායි ද? සාරුක් ද?
saman Monday, 16 June 2025 12:07 AM
කොළඹ නගරාධිපති ධුරයට පත්වන්නේ ජාතික ජන බලවේගයේ ව්‍රායි කැලී බල්තසාර් මෙනවියට එක්සත් ජාතික පක්ෂය සහයෝගය ලබාදීම සුදුසුවේ. බහුතරයක් ලබාගෙන තිබෙනා වූ පක්ෂය ජාතික ජන බලවේගය නිසා ඔවුන්ට බලය පිහිටුවීමට අවශ්‍ය මන්ත්‍රීවරුන් 11 එක්සත් ජාතික පක්ෂයෙන් ලබාදී කොළඹ නගරාධිපති ධුරයේ රාජකාරි නිසි ආකාරයට සිදු නොවන්නේනම් සහයෝගයෙන් ඉවත්වීමට පවා හැකිය. දැනට මතුව තිබෙනාවූ ගෝලීය දේශපාලන සහ යුදමය තත්වයන් තුල ඉන්දන සහ ගෑස් මිල පවා ඉහළයාම සිදුවේ. එමනිසා මාලිමා ( jvp ) ආණ්ඩුවට අවස්ථව ලබාදී මතුවන ගැටළු සදහා විසදුම් ලබාදෙන්නේ කෙසේද කියා නිහඩ බලාසිටිම සුදුසුවේ. වර්තමාන යුදමය තත්වයන් තුල ඉදිරියේදී ඉන්දන සහ ගෑස් අවහිරයකින් තොරව මිලදී ගැනීම් පිලිබදව රජය කටයුතු කලයුතුවේ එසේ නොවුනහොත් වර්තමාන කතානායකවරයා කිවා සේ ආණ්ඩුවට මහජන පීඩනය එල්ලවනු ඇත
මාලිමාගැත්තා Monday, 16 June 2025 12:23 AM
සිංහලයො පක්ෂ වලට බෙදිලා කෙලගනිල්ලා. පේනවනෙ වෙලා තියෙන දේ.
Neel Monday, 16 June 2025 05:21 AM
එකෙන්ම NPP තමයී.....
Rasi Monday, 16 June 2025 06:48 AM
සජබයට තව 30 ක් අවශ්‍යයි. අඩුම ගානේ මේක තේරුම් අරගෙන වැඩි බලය ලබාගත් පක්ෂයට දැනට බලය පිහිටවීමට අවස්තාව ලබා දිය යුතුයි. යම් හෙයකින් ඔවුන් කරගෙන යන ආකාරයේ වරදක් හෝ විශ්වාසය පලුදු වීමක් ඇත්නම්, පසුව බලය පෙරලා දැමීමක් කල හැකියි. තවද එය වඩාත් ප්‍රජාතන්ත්‍රවාදී දවේ. සජිත් සහ එතැන් බල කෑදර සෙට් එක නිසා කවදාවත් බලය ලබා ගත නොහැකි බව නම් විශ්වාසයි.
කෝරලගේ Monday, 16 June 2025 08:14 AM
මේ නගරාධිපති ධුරය කොලඹ ජනතාවගෙ එකම බලාපොරොත්තුව කැලී බල්ත‍සට ලබාදීමයි. මොකද සමඟි බලවේගයේ අපේක්ෂක කොලඹ නගරසභාවේ විසාල වංචා දූෂණ චෝදනා වලට සම්බන්ධ කෙනෙක්. අනික සජබේ නායකයාත් සංස්කෘතික අරමුදලේ විසාල මුදල් වංචාවකට සම්බන්ධයි කියලා කෝප් කමිටුවේ දැන් පරීක්ෂණයක් යනවා.එයාටත් ළඟදීම දඬුවම් ලැබෙයි.
SarathMonday, 16 June 2025 10:22 AM
උඹ හිටපං මහ එකා වගේ බයිලාවක් ගහන්නේ නැතුව...
Asela Monday, 16 June 2025 09:18 AM
කොළඹ නගර සභාව යනු රජයක් තුළ ඇති රජයකි. එය රජයට ආදායම් උපයන උල්පත වන අතර එය සියලු ආකාරයේ හොරුන්ගේ සහ වංචාකරුවන්ගේ ගුහාවකි. අපද්‍රව්‍ය සහ වාහන නැවැත්වීමේ ඉඩ කළමනාකරණය හැරුණු විට, මෙම ගුහාවේ ක්‍රියාකාරිත්වය පිළිබඳව ජනතාවට කිසිදු අවබෝධයක් නොමැත. ආරක්ෂක හා නාගරික සංවර්ධන අමාත්‍ය ධුරයෙන් කොළඹ අලංකාර කළේ ගෝඨා පමණි. කවුරු තෝරා ගත්තත් ප්‍රතිඵලය බොහෝ දුරට සමාන ය. බදු ගෙවන්නන්ගේ මුදල් නාස්ති කරමින් මෙම ගුහාවේ නගරාධිපතිනිය ලෙස කුප්‍රකට රෝසි සේනානායක මහත්මිය කටයුතු කළ ආකාරය මට මතකයි.
Sarath Monday, 16 June 2025 10:21 AM
BALTHSAR මැරී කරලත් නෑ නේද .පව් දෙන්න එපා . එයාට රිදෙයි