IMG-LOGO

2025 ජුලි මස 19 වන සෙනසුරාදා


දෙදරුමව කැලණි ගගේ කිලෝ මීටර් 10ක් ගසාන යයි

(බිමල් ශ්‍යාමන් ජයසිංහ )

කැළණි ගඟේ සැඩ පහරට හසුව කිලෝමීටර්  නවයකට ආසන්න දුරක් මරණය පෙනි පෙනී දියඹේ ගසාගෙන යමින් සිටි 46 හැවිරිදි   දෙදරු මවකගේ දිවි බේරා ගැනීමට කඩුවෙල පොලීසියට සහ ගම්වාසීන්ට හැකිව තිබේ.

මෙලෙස රෝහල් ගත කර ඇත්තේ වැලිවේරිය කිරිකීත්ත  ප්‍රදේශයේ  දෙදරු මවකි . ඇය මේ වන විට නැගෙනහිර කොළඹ මූලික  රෝහලේ ප්‍රතිකාර ලබයි.

කැලණි ගඟෙහි නවගමුව ප්‍රදේශයේ සිට කාන්තාවක් ගඟේ ගසාගෙන යන බවට 119 පොලිස් හදිසි ඇමතුම් දුරකථන  අංකය හරහා කඩුවෙල පොලිසියට දුරකථන පණිවිඩය ක් ලැබී තිබේ.

එම අවස්ථාවේදී වසමේ සංචාරයේ කරමින් සිටි  කඩුවෙල පොලිසියේ ස්ථානාධිපති පොලිස් පරීක්ෂක කාන් වීරසිංහ මහතාට  ඒ පිළිබඳ දැනුම් දී ඇති අතර වහා ක්‍රියාත්මක වූ ස්ථානාධිපතිවරයා කඩුවෙල හන්දියේ පාලම අසලට ගොස් සෝදිසි කිරීමේදී පාලම යටින් සුළු මොහොතකට පෙරදී  එම කාන්තාව ගසාගෙන ගිය බවට  එම ස්ථානයේ සිටි පුද්ගලයෙකුගෙන් දැනගැනීමට ලැබී ඇත.

ඒ සමඟම ක්‍රියාත්මක වූ ස්ථානාධිපතිවරයා  කඹයක්ද,විදුලි පන්දම් කීපයක්ද කඩිනමින් සූදානම් කරන ලෙස සෙසු නිලධාරීන්ට උපදෙස් ලබාදෙමින් ගඟට බැසීමට හැකියාව ඇති ප්‍රදේශවාසියෙක් වන සමන් අසිත නමැත්තාද සමඟ  බෝගහ වත්ත පාලම අසලට ගොස්  ඔහු ඟඟට බැසීමට සූදානම් කරවා , සෙසු පිරිසගේද සහය පාලම මත සිට  විදුලි පන්දම් දල්වා කැලණි ගඟ ඉහළ සිට  සැඩ පහරට හසුව ගසාගෙන එන කාන්තාව අල්ලා ගැනීම ට සමත්ව තිබේ.

‍අනතුරුව  ස්ථානාධිපතිවරයා සිය නිල ජීප් රථයෙන්ම අසාධ්‍ය තත්ත්වයේ සිටි දෙදරු මව නැගෙනහිර කොළඹ මූලික රෝහල වෙත ඇතුළත් කිරීමට පියවර ගත්තේය.

ඇය දිවි නසාගැනීමේ අරමුණින් ගඟට පැන්නාදැයි පරීක්ෂණ සිදු කරන බව පොලීසිය කියයි.

කඩුවෙල පොලිසියේ ස්ථානාධිපති පොලිස් පරීක්ෂක කාන් වීරසිංහ මහතා

 

කාන්තාවගේ දිවි බේරූ  ෙසමන් අසිත  මහතා

 



අදහස් (8)

දෙදරුමව කැලණි ගගේ කිලෝ මීටර් 10ක් ගසාන යයි

Janahitha Thursday, 30 May 2024 08:31 PM

විශාල පිනක් ඔබතුමාට දිර්ඝ ආයුෂ ලැබේවා

:       0       71

ඉන්දික Thursday, 30 May 2024 11:09 PM

මෙන්න මිනිස්සු මල් තියලා වදින්න වටින. ඔබ දෙපලට පින්. අනිත් උදව් කල සැමටත් පින්

:       0       27

sunil Friday, 31 May 2024 02:48 AM

රාත්‍රියේ සැඩ පහරට ගසාගෙන ගිය ජීවිතක් බේරා ගැනීම සැබවින්ම අගය කල යුතු දෙයක්.

:       0       22

Nihal Friday, 31 May 2024 05:15 AM

පීනන්න දන්න අය වතුරට පැන්නට ගිලෙන්නේ නෑ,ඇය උදව් කල අසිත ඇතුළු සියලු දෙනාටම දීර්ඝායුෂ සහ ජය පතමි

:       0       18

swene Friday, 31 May 2024 05:45 AM

ප්‍රශංසනීයයි. එතුමාට විතරක් නොවෙයි මේ සද් කාර්යයට හවුල් වූ තරුණයාද ඇතුළුව සැමට පිං.

:       1       23

Nimal Friday, 31 May 2024 10:53 AM

සම්බන්ධ වූ සියලු දෙනාටම දිර්ඝායු වේවා

:       1       8

randil dunuwille Friday, 31 May 2024 11:38 AM

මේ දවස්වල කැළණි ගඟ දැක්කත් බයයි.

:       0       4

සාන්ත කරැනාතිලක Saturday, 01 June 2024 11:04 PM

මල්තියලා වඳින්න ඕන මිනිස්සු බුදු සරණයී දෙදෙනාටම

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 405 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 564 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 232 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site