හිරාන් ප්‍රියංකර ජයසිංහ

ශ්‍රී ලංකාවේ සිට ගුවන් ඇරඹු තුර්කි ගුවන්යානයක් රෝදවල ඇතිවූ දෝෂයක් හේතුවෙන් නැවත ආරක්ෂිතව කටුනායක ගුවන්තොටුපොළට ගොඩ බැස්ස වූ බව ගුවන්තොටුපොළ ආරංචි මාර්ග කියයි..

තුර්කි ගුවන් සමාගමට අයත් මෙම ගුවන් යානය ඇතිවු කාර්මික දෝෂයක් හේතුවෙන් හලාවත ඉහල අහසේ එහි පියාසර කරමින් ඉන්ධන ප්‍රමාණය අඩුකිරීම සදහා කටයුතු කළ බව ගුවන් හමුදා තොරතුරු වලින් පැවසෙයි.

අදාල ගුවන් යානය කටුනායක ගුවන් තොටුපලේ සිට තුර්කී ස්ථාන්බුල් ගුවන් තොටුපල දක්වා ගමන් ආරම්භ කර සුළු වේලාවකින්  එහි රෝද නිසි ලෙස ක්‍රියාත්මක නොවිම හේතුවෙන්  හලාවත ඉහල අහසේ ආරච්චිකට්ටුව,පල්ලම,බිංගිරිය ඇතුළු සිමාවල ගුවන් වට සියයකට ආසන්න ප්‍රමානයක් පියාසර කළේය.

තුර්කි ගුවන් සමාගමට අයත් ටී.කේ. 733 ගුවන් යානය බවත් එහි ගුවන් මගීන් 289 දෙනකු ගමන් කරමින් සිටි බවද කියයි.

කෙසේ වෙතත්  ගුවන් යානයෙ ඉන්ධන අඩු කර කටුනායක බණ්ඩාරනායක ගුවන්තොටුපොළට බෑමට කටයුතු කළ බවද ගුවන්තොටුපොළ ආරංචි මාර්ග සඳහන් කළේය.