1995 වර්සරේදී රජයට පවරාගත්  කණ්ඩලම වැව් තාවුල්ලේ  පරණගමේ ඉඩම් බෙදා ගැනීමට ගිය ව්‍යාපාරිකයන් දෙපිරිසක් අතර  මහ වන මැද ගැටුමක් ඇතී වී වාහනයකට පහර දී  වාඩියක ඇති බඩු මුට්ටු  කුඩුකැර පැදුරු කොට්ට ගිනි තබා විනාශ කැර ඇතැයි දඹුල්ල පොලීසියට පැමිණිලි කැර ඇත.

කාළයක සිට ව්‍යාපාරිකයන් දෙපිරිසම දේශපාලන බලය පාවිච්කරමින්  මෙම කැලෑ හෙළිපෙහෙලි කරමින් 1956 වසරේ රජයට පවරා ගැනීමට පෙර  ගම්මුන්ට තිබු  ඉඩම් ඔප්පු රැසක්  උගසට තබාගෙන මෙම ඉඩම් අත්පත් කර ගැනීමේ  උපක්‍රමයක නිරත වී සිටි බව ගැමියෝ කියති.

 මේ සදහා ඇතැම් රජයේ නිලධාරීන් මෙන්ම ගම්මුන්ගේද සහය ලබාගෙන ඇතැයි වාර්තා වෙයි.

 කොළඹ ප්‍රදේශයේ පදිංචි දෙපිරිසෙන්  එක්  පාර්ශවයක්  පිටින් පිරිසක් රැගෙනවිත් ගැටුම් ඇතිකර  ගෙන ඇති බව පොලීසිය කියයි.

මෙම ස්ථානයට ගිය දඹුල්ල පොලීසිය පහරදී අලාභහානිකැර ඇති වෑන් රථයක්  සහ දෙපිරිසම පොලීසියට කැදවාගෙන පැමිණ ඇත.

එම කැලෑවට ඇතුළු වු අපට දැක ගත හැකි වුයේ කැලෑව මැද  ඉදිකිරීම්, වැව් තාවුල්ලේ අළුත් කෙසෙල් වගාවන් මෙන්ම වන සතුන්ගේ  ඇටකටු ආදීයයි.මහා ඝණ කැලෑව හෙළිපෙහෙළි කැර මාර්ග කපා ඇති බවද දැක ගත හැකි විය.

 කණ්ඩලම වැව පුළුල් කිරීමේ  වැඩසටහන යටතේ 1956 වසරේ මෙම ගම්මානයේ  පදිංචිකරුවන්ට ගොඩින් අක්කර දෙකයි  මඩින් අක්කර තුනයි වන්දි  ලෙස ලබා දී  නිවාස තනා දී  කණ්ඩලම 40 හා 25 ප්‍රදේශවල පදිංචිකරවා ඇත.

පසුව එම ඉඩම් රජයේ ඉඩම් බවට  ගැසට් පත්‍රයකින් තහවුරු කර නැතැයි පවසමින් කිහිපදෙනකු  එක් වී දේශපාලන හිතවත්කම් මත එම ඉඩම්  වලට තිබුණු  ඔප්පු මගින් ව්‍යාපාරිකයන්ට මේවා අළෙවිකැර හොටල් ඉදිකිරීමට යන බව ගම්මුන් කියති.