කොරෝනා හේතුවෙන් ඇමෙරිකානුවන් මිලියන 21 කට රැකියා අහිමි වෙයි

පසුගිය සති 4 තුළ ඇමරිකානු ජාතිකයින් මිලියන 21 කට අධික පිරිසකගේ රැකියා අහිමි වී ඇතැයි නවතම වාර්තාවක් මගින් පෙන්වා දෙයි.

එය ඉතා නරක අන්දමින් රැකියා අහිමි වීමේ වාර්තාගත තත්ත්වයක් බව විදෙස් මාධ්‍ය සඳහන් කරයි.

අමෙරිකා එක්සත් ජනපදයේ කම්කරු දෙපාර්තමේන්තුවේ සංඛ්‍යාලේඛන අනුව අප්‍රේල් 11 වැනිදායින් අවසන් වූ සතිය තුළ රැකියා විරහිතභාවයට පත්වූ පුද්ගලයින් සංඛ්‍යාව ලක්ෂ 52 කි.

ඊට පෙර සතියේ එම අගය ලක්ෂ 66 ක් ලෙස සටහන් වී තිබේ.

කොරෝනා වෛරසයේ පැතිරීම හේතුවෙන් අමෙරිකානු ජනගහනයෙන් වැඩි පිරිසකට අගුලු දැමීමේ සීමාවලට යටත්ව කටයුතු කිරීමට සිදුවී ඇත.

අමෙරිකානු ආර්ථිකයට ඇතිවූ බලපෑම හමුවේ මහා පරිමාණ සහ කුඩා පරිමාණ ව්‍යාපාරවල සේවකයින් රැකියාවලින් ඉවත් කිරීමට බලකෙරෙන වාතාවරණයක් ද උද්ගත වී තිබේ.

විශ්ලේෂණ අනුව මෙම මාසයේ රැකියා විරහිත අනුපාතය 20 % ක් පමණ වනු ඇතැයි අපේක්ෂා කෙරේ.

ජෝන්ස් හොප්කින්ස් විශ්වවිද්‍යාලයේ සංඛ්‍යා ලේඛන අනුව අමෙරිකාවෙන් මේ වන විට වාර්තා වී ඇති කොරෝනා වෛරසය ආසාදිත රෝගීන් සංඛ්‍යාව 640,014 කි.

ඉන් රෝගීහු 31,002 දෙනෙක් මරණයට පත්වී සිටිති.

-226-

(බීබීසී ඇසුරෙනි)

අදහස් (3)

කොරෝනා හේතුවෙන් ඇමෙරිකානුවන් මිලියන 21 කට රැකියා අහිමි වෙයි

jayath Friday, 17 April 2020 04:25 AM

ප්‍රකට කතාවක් තියනවා පිස්සෙක් ජනපති උනත් ජනපති පිස්සෙක් උනත් දෙකම එකයි කියලා. මේක අපටත් අදාළ කාල වකවානුවක් තිබුනා. නමුත් මම හිතන්නේ මේක ඇමෙරිකාවට හරියටම හරි කියලා. මොකද වුහාන් වල මේක පටන්ගත්ත මුල් කාලේ මෙයා මේක චීන වයිරසය කියල අවමන් කරා විතරක් නෙමි චීනෙන් ගිලිහෙන රැකියා අවස්ථා ගන්නත් බලාගෙයි හිටියේ. ඔය අරන් තියෙන්නේ දැන්. පව් ඇමෙරිකානු ජනතාව !

: 391 300

Wasantha de melFriday, 17 April 2020 07:22 AM

ඔබ දැක්කේ නැද්ද ජපානය ප්‍රමුඛ ඇමෙරිකාව ඇතුළු රටවල් චීනයේ තම කර්මාන්තශාලා වෙනත් රටවල් වලට ගෙනියන්න හදනවා. ඇමෙරිකාවේ ජනාධිපති කවුරු වුනත් රට වෙනුවෙන් යහපත් ප්‍රතිපත්ති දිගටම කෙරෙනවා. මෙහෙ වගේ නෙවේ.ළිදෙන් එළියට එන්න.

: 164 229

RasikaSaturday, 18 April 2020 01:13 AM

ළිදෙන් එළියට එන්න ඕනේ ඔයා. දැන් ඇමෙරිකාවේ කොරෝනා පාලනය ඉතාම අසාර්ථකයි. එහෙම උනේ එහෙ ජනාධිපති ගත්ත වැරදි තීරණ නිසා. ඒ අතින් ලංකාව ඉතාමත් වාසනාවන්තයි. අපේ රටේ ඉතාමත් හොදින් පාලනය කරලා තියෙනවා. ලෝක සෞඛ්‍ය සංවිධානයට අනුව ලංකාව කොරෝනා පාලනය කරපු හොදම රටවල් අතර 9 වන තැන ඉන්නවා. කැනඩාව 7 වන තැන ඇමෙරිකාව 70 වන තැන. එංගලන්තේ 80 ඕස්ට්‍රේලියාවා 4 . ඉතින් ලංකාව ගැන සතුටුයි. ජනාධිපති ගත්ත යහපත් තීරණ නිසා අපේ ජීවිත බේරුනා.

: 18 0