කොළඹ බ්ලුමැන්ඩල්  ප්‍රදේශයේ හොර රහසේ පවත්වාගෙන ගිය තීරුබදු නොගෙවු විදේශීය මත්පැන් සහ සිගරට්  ගබඩා කරන ස්ථානයක්  වටලා  රුපියල් කෝටි හයක්  පමණ වටිනා තීරුබදු නොගෙවා මෙරටට ගෙන්වන ලද විදේශීය මත්පැන් බෝතල්  සහ සිගරට් තොගයක් සමග එහි  හිමිකරු සහ පුදග්ලයින් තිදෙනෙකුද,  වෑන් රථ හතරක්ද    අත් අඩංගුවට ගත් බව සුරාබදු දෙපාර්තමේන්තුව කියයි.

අදාල ගබඩාවේ  හිමිකරු  මට්ටක්කුලිය  ප්‍රදේශයේ පදිංචි   40 හැවිරිදි ප්‍රසිද්ධ ව්‍යාපාරිකයෙක් වන අතර සෙසු සැකකරුවෝද එම ප්‍රදේශයේම පදිංචිකරුවෝ වෙති.

මෙහිදී  අධික මිල ගනන් වලින් යුතු තිරුබදු නොගෙවු විදේශි මත්පැන් බෝතල් හාරදහස් තුන්සියයක් සහ විදේශිය සිගරට් හාර ලක්ෂ පනස් දහසක් අත් අඩංගුවට ගත් බව සුරාබදු නිලධාරීහු කියති.

අත්අඩංගුවට ගෙන ඇති  විදේශිය  මත්පැන් සහ සිගරට් වල වෙළද පොල වටිනාකම රුපියල් කෝටි හයකට ආසන්න බවත් අත්අඩංගුවට ගෙන ඇති වෑන් රථ හතරේ වටිනාකම වටිනාකම රුපියල් කෝටි දෙකකට ආසන්න බවත් සුරාබදු නිලධාරීහු කියති.

නියෝජ්‍ය  සුරාබදු කොමසාරිස්( අපරාධ) ජේ. පුෂ්ප කුමාර සිල්වා මහතාගේ මෙහෙයවීමෙන්   සුරාබදු නිලධාරින් සතියක පමණ කාලයක් තිස්සේ සිදු කළ විමර්ශනයකින් පසු මෙම වැටලීම සිදු  කර ඇත.

මින්   එක සැකකරුවෙකු  වෑන් රථයකින් විදේශිය මත්පැන් බෝතල් 50 ක් ප්‍රවාහනය කරමින් සිටියදී කොලඹ සුගතදාස ගෘහස්ථ ක්‍රීඩාංගනය ආසන්නයේදී අත් අඩංගුවට ගෙන ඇති අතර පසුව  ඔහුගෙන් ලබා ගත් තොරතුරු අනුව  ව්‍යාපාරිකයා  සහ සෙසු සැකකරුවෝ බ්ලුමැන්ඩල් ප්‍රදේශයේ   ගබඩා සංකිර්ණයයේදී  අත් අඩංගුවට ගෙන ඇත.

මෙම වැටලිම සිදුකරන අවස්ථාවේදි ගබඩාව තුල තීරුබදු නොගෙවු විදේශීය මත් පැන් සහ සිගරට් තොග තිබු බවත්  ඒවා  ප්‍රවාහනයට  යොදා ගන්නා තවත් නවින පන්නයේ වෑන් රථ තුනක් ද තිබු බව සුරබදු නිලධාරීහු කියති.

මෙම වෑන් රථ හතරේම විදුරු කළුකර   පසුපස ආසන ගලවා මත්පැන් ප්‍රවාහනයට සුදුසු පරිදි සකස් කර තිබුණ බවත්  කළු රෙදි වලින් ආවරනය කරමින් මත්පැන් ප්‍රවාහනය සිදුකර ඇති බවත් කියති.

සැකකරු මෙම විදේශිය මත්පැන් කොළඹ ප්‍රදේශයේ  ඛෙදා හැර ඇති අතර  විවිධ ආයතන මගින් පවත්වනු ලබන ප්‍රිය  සම්භාෂන සදහා ද  මත්පැන් සපයා ඇති බව සුරාබදු නිළධාරින් අනාවරනය කරගෙන ඇත.
මෙම මත්පැන් සහ සිගරට් වෙළද පොලට ගියේ නම් රජයට විශාල බදු මුදලක් අහිමි වන බව සුරාබදු දෙපාර්තමේන්තුව කියයි.

සැකකරුවෝ  දීර්ඝ කාලයක් තිස්සේ මෙම ජාවාරම  සිදු කර ඇති බව කරණ ලද විමර්ශණ වලදී අනාවරණය වී ඇත.

මෙම වැටලිම සුරාබදු කොමසාරිස් ජනරාල් එල්.කේ.ජි.ගුණවර්ධන මහතා වෙත ලැබි තිබි තොරතුරු මත සුරාබදු අපරාධ අංශය භාර නියෝජ්්‍ය සුරාබදු කොමසාරිස්  ෙජ්. පුෂ්පකුමාර සිල්වා මහතාගේ මෙහෙයවිම මත සුරාබදු පරික්ෂකවරුන් වන ඒ.ආර්.ලැම්බට්,  එම්.ජයන්ත.ද.සිල්වා, ඒ.ටි.විරමන්, උපුල් සෙනවිරත්න, සුරාබදු සැරයන් මේජර් එල්.බි.ගාමිනි, සුරාබදු නියාමක අසංක කල්‍යානප්‍රිය  ඇතුළු නිළධාරි කන්ඩායමක් විසින් සිදුකර ඇත.