(අංජුල මහික වීරරත්න)

එක්සත් ජාතීන්ගේ ජනගහන අරමුදලේ මෙරට  නියෝජිත කුන්ලේ ඇඩෙනියි මහතා (Mr. Kunle Adeniyi)  සහ තරුණ කටයුතු සහ ක්‍රීඩා අමාත්‍ය සුනිල් කුමාර ගමගේ මහතා  අතර හමුවක් තරුණ කටයුතු සහ ක්‍රීඩා අමාත්‍යංශයේ දී පැවැත්විණි.

කුන්ලේ ඇඩෙනියි මහතා මෙරට සිය ධූර කාලය අවසන් කිරීම නිමිත්තෙන් මෙම හමුව පැවැත්විණි.

2022 වර්ෂයේදී මෙරට එක්සත් ජාතීන්ගේ ජනගහන අරමුදලේ ශ්‍රී ලංකාවේ නියෝජිතවරයා ලෙස තමන් පැමිණි බවත්, ශ්‍රී ලංකාවේ ගත කළ වසර තුන හමාරක කාලයේ තරුණ කටයුතු සහ ක්‍රීඩා අමාත්‍යංශය සහ එක්සත් ජාතීන්ගේ ජනගහන අරමුදල (UNFPA) අතර පැවති සහයෝගීතාවය වෙනුවෙන්  ස්තූතිවන්ත වන බවත් කුන්ලේ ඇඩෙනියි මහතා මෙහිදී පැවසුවේ ය.

මෙම අවස්ථාවට UNFPA හි උප නියෝජිතයා වන  දයානත් රණතුංග මහතා ද සහභාගී විය.