(විමුක්ති එස් රුද්‍රිගු)

සටන් විරාමය ක්‍රියාත්මක කර පැයක් යන්නටත් මත්තෙන් ඉරානය සටන් විරාමය කඩ කළ ටයිම්ස් ඔෆ් ඊශ්‍රායල් පුවත්පත වාර්තා කළේය. 

ඉරානය ඊශ්‍රායලයට බැලැස්ටික් මිසයිල ප්‍රහාරයක් එල්ල කළ බවත් අවම වශයෙන් එක් බැලස්ටික් මිසයිලයක් ඊශ්‍රායලයට එල්ල වූ බවත් ටයිම්ස් ඔෆ් ඊශ්‍රායල් පුවත්පත සඳහන් කළේය.

බැලැස්ටික් මිසයිල ප්‍රහාරය එල්ල වීමත් සමග අනතුරු ඇඟවීමේ නලා නාද වූ බවත් ගුවන් ආරක්ෂණ පද්ධතිය එම මිසයිලය විනාශ කර දැමූ බවත් ටයිම්ස් ඔෆ් ඊශ්‍රායල් පුවත්පත සඳහන් පැවැසුවේය.

දින 12 ක් තිස්සේ පැවැති යුද්ධය අවසන් කරමින් සටන් විරාමයකට එළැඹුණ බව ඉරානය සහ ඊශ්‍රායලය අද (24) නිල වශයෙන් නිවේදනය කළේය. සටන් විරාමය නිල වශයෙන් ප්‍රකාශයට පත් කරමින් ඉරාන සහ ඊශ්‍රායලය සිය මෙහෙයුම් අතිශය සාර්ථක වූ බව ප්‍රකාශ කළේය.

ඉරානය සහ ඊශ්‍රායලය සිය මෙහෙයුම් අතිශය සාර්ථක වූ බව නිල වශයෙන් ප්‍රකාශ කරද්දී ඇමෙරිකාවද ඉරානයට එරෙහිව ක්‍රියාත්මක කළ මෙහෙයුම අතිශය සාර්ථක වූ බව ප්‍රකාශ කළේය.

ඉරාන - ඊශ්‍රායල යුද්ධයේදී සිය ප්‍රතිවාදියාට එරෙහිව ඉරානය "ටෘ ප්‍රොමිස් 3" මෙහෙයුමත්, ඊශ්‍රායලය " රයිසින් ලයන්" මෙහෙයුමත්, ඇමෙරිකාව "මිඩ්නයිට් හැමර්" මෙහෙයුමත් ක්‍රියාත්මක කර තිබිණි.