(යොහාන් භාසුර)

ඔක්ටේන් 92 පෙට්‍රල්, ඩීසල් සහ භූමිතෙල් මිල අද (30) මධ්‍යම රාත්‍රීයේ සිට පහළ දැමූ බව ලංකා ඛනිජ තෙල් සංස්ථාව නිවේදනය කළේය.

ඔක්ටේන් 92 පෙට්‍රල් ලීටරයක මිල රුපියල් 21 කින්, ලංකා සුදු ඩීසල් ලීටරයක මිල රුපියල් 24 කින්, ලංකා සුපිරි ඩීසල් ලීටරයක මිල රුපියල් 33 කින් සහ භූමිතෙල් ලීටරයක මිල රුපියල් 19 කින් පහළ දැමූ බවත් එම සංස්ථාව කීය.

ඒ අනුව ඔක්ටේන් 92 පෙට්‍රල් ලීටරයක නව මිල රුපියල් 311 ක්, ලංකා සුදු ඩීසල් ලීටරයක නව මිල රුපියල් 283 ක්, ලංකා සුපිරි ඩීසල් ලීටරයක නව මිල රුපියල් 319 ක් සහ භූමිතෙල් ලීටරයක නව මිල රුපියල් 183 ක් දක්වා පහළ ගිය බව ද එම සංස්ථාව සඳහන් කළේය.

ඔක්ටේන් 95 පෙට්‍රල් ලීටරයක මිල තව දුරටත් නොවෙනස්ව පවතින බවත් ඒ අනුව ඔක්ටේන් 95 පෙට්‍රල් ලීටරයක මිල රුපියල් 377 ක පවතින බවත් ලංකා ඛනිජ තෙල් සංස්ථාව වැඩි දුරටත් නිවේදනය කළේය.