(අංජුල මහික වීරරත්න සහ සුජිත් හේවාජුලිගේ)

හැදෙන්න ඕන විදිය ගැන විපක්ෂය අපට දිගටම උපදෙස් දෙනවා. විපක්ෂය තරම් මේ දවස්වල අපට ආදරේ වෙන කිසිවකුත් නැතැයි කම්කරු නියෝජ්‍ය අමාත්‍ය  මහින්ද ජයසිංහ මහතා පාර්ලිමේන්තුවේදී පැවසීය.

"කෙටි කලක් ඇතුළත රජයේ සේවකයන්ට වැටුප් වැඩිවීමක් ලබා දෙන්න අපට හැකි වුණා. අද පෞද්ගලික  අංශයේ වැටුප් වැඩිවන පනත සම්මත වෙනවා.අවුරුදු එක හමාරක් ජාතික කම්කරු උපදේශක සභාව කැඳවා තිබුණේ නැහැ. අප ආණ්ඩුව පැමිණ එය මේ වන විට හතර වතාවක් කැඳවා තිබෙනවා.ඒ අනුව ජනතාවට වැඩ කරන්න අවශ්‍ය පරිසරයක් ගොඩනගා තිබෙනවා. ආණ්ඩු කරපු මහත්වරු එහා පැත්තේ ඉඳගෙන වතු කම්කරුවන් ගැන කිඹුල් කඳුළු හෙලනවා යනුවෙන්ද නියෝජ්‍ය අමාත්‍යවරයා කීය.