IMG-LOGO

අලුත් බදු රොත්තක් ළඟදීම මැතිසබයට

(සුජිත් හේවාජුලිගේ )

රජයේ  ආදායම වැඩි කර ගැනීමේ පියවරක් ලෙස විශේෂ බදු වර්ග ගණනාවක් අනුමැතිය සදහා පාර්ලිමේන්තුවට ළඟදීම ඉදිරිපත් කරන  බව මුදල් හා අධිකරණ අමාත්‍ය ජනාධිපති නීතිඥ අලි සබ්රි මහතා  ලංකාදීපයට පැවැසීය.

විශේෂ රඳවා ගැනීමේ සහ  උපයන විට ගෙවීමේ  බදුද ඒ අතර වන බව  පැවසූ ඇමැතිවරයා  එය අනිවාර්යයෙන්ම කළ යුතු කටයුත්තක් වන බවද ප්‍රකාශ කළේය.

මේ අතර ජාත්‍යන්තර මූල්‍ය අරමුදල සමග පැවැත්වෙන සාකච්ඡා සාර්ථක වුවත්  එම අරමුදලෙන්  මූලික ණය මුදලක්  ලැබීමට අඩු තරමින් මාස හයක කාලයක් ගතවනු ඇති බවද මුදල් අමාත්‍යවරයා කීවේය.

ජාත්‍යන්තර මූල්‍ය අරමුදලට කල්තියා නොයෑම නිසා අර්බුදය උග්‍රවූ බව පැවසූ අල් සබ්‍රි මහතා එසේ නොයෑමට තීරණය කළේ නම්  විදේශ විනිමය උපයා ගැනීමට ක්‍රමවේද සකස් කර ගත යුතුව තිබූ බවද ප්‍රකාශ කළේය.

අර්බුදය  තවත් වසර දෙකකින්වත් විසඳිය හැකි යැයි තමා විශ්වාස නොකරන බවද  අමාත්‍යවරයා  කීවේය.



අදහස් (8)

අලුත් බදු රොත්තක් ළඟදීම මැතිසබයට

රටවැසියා Saturday, 07 May 2022 03:17 PM

එංගලන්තයේ කෝටිපති සුද්දගේ ළමයින්ට පවා මේ රටේ නිදහස් අධ්‍යාපනය ලැබෙන්නේ උසස්පෙළ කරනතුරු පමණයි..! ඉන්පසු විශ්ව විද්‍යාලයට ඇතුල් වුණාම එක අවුරුද්දකට රුපියල් ලක්‍ෂ 40ක් ගෙවන්න ඕනෑ! ඒ නවාතැන් හා කෑම ගාස්තු නැතිව... මසකට නවාතැන් ගාස්තුව රු ලක්‍ෂ දෙකහමාරක් ඒ විදුලි බිල හා අන්තර්ජාල බිල් නැතිව..! ඒවාට මසකට ලක්‍ෂයක් විතර ඕනෑ..!! හැබැයි රජයෙන් බැංකු ණයක් දෙනවා ළමයි දිරිමත් කරන්නට... ඒ මුදල වාර්ෂිකව ඉගෙනගන්න විශ්ව විද්‍යාලයට කෙලින්ම ගෙවන්නේ... ඉන්පසු 2% පොලියක් අයකරලා අවුරුදු 30 උපයන පළමු පඩියේ ඉඳන්ම කපා ගන්නවා මාසිකව...! එංගලන්තයේ විශ්ව විද්‍යාල ළමයි ලැබෙන හැම විනාඩියක්ම කීයක් හරි උපයාගන්න විරිය දරන්නේ නේවාසික ගාස්තු ගෙවා ගන්නට සතියකට එක දවසක් හරි වැඩ කරලා..! ඒකට... ලංකාවේ...අපේ අය!! ණයක් නැති විශ්ව විද්‍යාල අධ්‍යාපනයේ උපරිම ප්‍රයෝජන අරගෙන සමෘද්ධියත්, මහපොළත් ලබාගෙන අධ්‍යාපනය නොමිලේම නිසා තමයි පෙලපාලි කරන්න කාලය යොදවන්නේ..! දැන් ඉතින් කාලය පැමිණ ඇත. අපේ විශ්ව විද්‍යාලවලත් ඉගෙන ගන්නවාට මුදලක් අයකරන්නට...!

:       20       23

රනේSaturday, 07 May 2022 04:32 PM

හිටිහැටියේ මොකද අප්පා විශ්ව විද්‍යාල? හොරු අල්ලන්නේ නැතෙයි? දේපල හොරා කන අය මර්ධනේ කොරලා අහකැයි?

:       4       20

BamunuarachchiSunday, 08 May 2022 10:40 AM

කොතැනින් හරි පටන් ගන්න ඕනෑ. දැන් ඉන්න උන්දැලාගේ සීයලාට ඒ කාලේ අලුතින් විශ්ව විද්‍යාල ඇරලා පිනට ඉගැන්නුවා දැන් එහෙම කරන්න බැහැ. ඒ නිසා අපිට බදුබර පටවන්නේ නැතුව ගෙවලා ඉගෙන ගන්න. අපේ ළමයි දසලක්ෂ ගණන් වලින් පිටරට විශ්ව විද්‍යාල වලට ගෙව්වා. ටියුෂන් ගන්න එක විෂයකට රුපියල් 2000 ගණනේ ටියුෂන් පන්තිවලට ගෙවනවා. විශ්ව විද්‍යාලයට ගියාම මොවුන්ට ඉගෙන ගන්න රජය රු 5000 දීමනාවක් දෙන්න ඕනේ... ඒක අරගෙන මහපාරේ උද්ඝෝෂණය කරනවා. විශ්ව විද්‍යාලයට මුදල් අයකළොත් රටේ උද්ඝෝෂණ ඉබේම නැතිවෙනවා. ජෙප්පන් නැවත හිටපු ගුබ්බෑයම්වලට යනවා.

:       0       1

රටවැසියා Saturday, 07 May 2022 04:37 PM

ඵංගලන්තයේ වැඩකරන හැම කෙනෙක්ම බදු ගෙවිය යුතුමයි. වසරේ ආදායම £ 10,000 දක්වා කිසිකෙනෙක් බදු නොගෙවයි... ඉන්පසු 25%ක ආදායම් බද්දක් අනිවාර්යයෙන්ම ගෙවීමට සිදුවේ.. උපයන ආදායම £ 40,000 දක්වාම... ඊට වඩා වසරකට උපයයි නම් අයකරන බද්ද 40% කි. හැබැයි පඩිය එන්නේ ඒ සියල්ලම කැපිලා තමන්ගේ බැංකු ගිණුමටයි. උදා:- වසරේ ආදායම £40,000 නම් මසකට ගෙවන ආදායම් බද්ද £450 කි. ඒ කියන්නේ ලංකාවේ මුදලින් රු ලක්‍ෂ දෙකකි...!

:       12       3

අපේ ඇමතිලාට කොමිස් දෙන්න තියනවාSaturday, 07 May 2022 08:12 PM

මේ කී දෙය කිරීම ඉතා හොද දෙයක්. ඒත් අප රටේ දේ්‍ශපාලකයන් උගත් නැති කමින් ඒ අය දන්නෙ නෑ රැකියා උත්පාදනයට නීති ගෙන ඒමට. අප හොදින්ම දන්නා කරුණ නම් මේ ඇමතිලා ආයෝජකයන්ගෙන් විශාල ලෙස කප්පම් ගන්නවා. ඉන් පසු රාජ්‍යය සේවයට උපාධි විතරක් නොවේ සාමාන්‍යය පෙළ අසමත් සෑහෙන සේවක සංඛ්‍යාවක් පුරවා තිබෙනවා. මේ මිනිස්සුන් අතර රාජ්‍යය සේවයෙන් පවා යමක් ඉගෙන ගන්න තරම් බුද්ධිමත් නැති අය වැඩියි. කෙසේ වෙතත් දූෂණය වැඩි රටක ව්‍යාපාර දියුණුවීමත් රටක් දියුණු වීමත් සිදු නොවෙන බැවින් මේ සියල්ල කිරීමට හොරකමට තිත තබා ජනතාවට වග කියන කීර්තිමත් වෘත්තිකයන් පමණක් ජනතා නියෝජිතයන් කළ යුතුයි.

:       0       0

සංහිද Saturday, 07 May 2022 09:25 PM

එංගලන්තයේ හොරු නෑ.අපේ රටේ හොරු ඉන්නවනෙ.

:       0       0

චන්දන Saturday, 07 May 2022 05:18 PM

ඔව් අනුර කුමාර ආණ්ඩුව කළත් සැලකිය යුතු බදු ජනතාවට ගෙවන්නට වෙනවා. හැබැයි ඒ සල්ලි රටේ සංවර්ධනයට පමණි...!

:       1       23

රොෂාන් Saturday, 07 May 2022 08:20 PM

පලමුව සුරා බදු වැඩි කරන්න

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 46 0
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 612 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි. 2025 ජුනි මස 25 127 0
ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි.

xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ‍්‍රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි

Our Group Site