(යොහාන් භාසුර සහ මුදිතා දයානන්ද)
ශ්රී ලංකාවේ සමස්ත අධිවේගී මාර්ග පද්ධතියේ පසුගිය 8 වැනිදා සිට 14 වැනිදා දක්වා දින හත තුළ රුපියල් කෝටි 21 කට (රුපියල් මිලියන 210.33) අධික ආදායමක් උපයා ඇතැයි අධිවේගී මාර්ග මෙහෙයුම්, නඩත්තු සහ කළමණාකරණ වැඩබලන අධ්යක්ෂ නිහාල් ලොඩිවික් මහතා පැවසීය.
දිනක ඉහළතම ආදායම ලෙස පසුගිය 10 වැනිදා රුපියල් කෝටි හතරකට ආසන්න ආදායමක් ලැබී ඇති බවත් පසුගිය 13 වැනිදා ලැබුණු රුපියල් කෝ්ටි දෙකකට ආසන්න ආදායමක් ලැබී ඇති අතර එම දින හත තුළදී දිනක අඩුම ආදායම එය බවත් නිහාල් ලොඩිවික් මහතා පැවසීය.
වැඩිම ආදායම ඉපයූ පසුගිය 10 වැනි දා වාහන 141,187 ක් අධිවේගී මාර්ග පද්ධතියේ ධාවනය වී ඇති බවත් අඩුම ආදායම ලැබූ 13 වැනිදා වාහන 64,937 ක් පමණක් ධාවනය කර ඇති නිහාල් ලොඩිවික් මහතා පැවැසීය.
සිංහල සහ දමිල අලූත් අවුරුදු සතිය ආරම්භ වූ පසුගිය 8 වැනිදා සිට 11 වැනිදා දක්වා රුපියල් කෝටි 14 කට ආසන්න ආදායමක් ලැබී තිබේ.
සිංහල හා දමිල අලූත් අවුරුද්ද වෙනුවෙන් ජනතාව සිය ගම් බලා යාම සහ විනෝද චාරිකා සඳහා අධිවේගී මාර්ග යොදා ගැනීම මෙම ආදායම වැඩි වීමට හේතුව බව ලොඩිවික් මහතා කීය.
දක්ෂිණ අධිවේගී මාර්ගය, කොළඹ සහ කටුනායක අධිවේගී මාර්ගය, සහ පිටත වටරවුම් අධිවේගී මාර්ගය සමස්ත අධිවේගී මාර්ග පද්ධතියට ඇතුළත් වේ.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
අධිවේගයේ ආදායම අධිවේගයෙන් ඉහළට
Bamunuarachchi Friday, 16 April 2021 02:24 AM
උත්සව කාලෙට ඔහොම වෙනවා. අධිවේගී පාරේ යනගමන් මේවා හදන්න රට ණයකලා කියලා ජෙප්පෝ බැන බැන යනවා.
Raveendra Friday, 16 April 2021 03:55 AM
එක දිගට මාසයක් විතර අවුරුදු කාපල්ල කියලා කියයිද දන්නේ නෑ.
Nuwan Friday, 16 April 2021 05:26 AM
රටේ සල්ලි එක තැනකට ගොඩ ගැහැව්වාම එක රටකට ආදායමක් වෙන්නේ නැහැ. පිට රටින් ආයෝජන අපනයනය වගේ ඒවා තමයි ආදායම් ගනයට වැටෙන්නේ
BamunuarachchiSaturday, 17 April 2021 05:19 AM
ඔබ ඔය කතා කරන්නේ ලෝකයම කෝවිඩ් වලින් වැටිලා, රටවල් අතර ගනුදෙණු අඩපණ වෙලා කියලා දැනගෙන නොවෙයිද? අනික රජයේ සේවකයින්ට වැටුප් ගෙවන්න වාහන තිබෙන මිනිස්සු ගාවට ගිහිල්ලා අනේ රුපියල් 300, 350, 400, දෙන්න කියා ඉල්ලන්නද කියන්නේ? මෙන්න රටේ අනිකුත් වැඩවලට මුදල් ලබා ගන්නා ක්රමය... මෙයටයි මුදල් සංසරණය වෙනවා කියන්නේ... රජයක් රුපියල්වලින් දෙනු කරන්න ගනු කරන්නේ මෙහෙමයි.