අධිවේගී මඟේ අනතුරින් මියගියි කොස්තාපල් සැරයන් නිලයට උසස් කරයි

(බිමල් ශ්‍යාමන් ජයසිංහ )

කොළඹ කටුනායක අධිවේගී මාර්ගයේදී ඊයේ (25) සිදුවූ මාරක අනතුරින් මියගිය ඇමති ආරක්ෂක කොට්ඨාසයට අයත් පොලිස් කොස්තාපල්වරයා පොලිස් සැරයන් නිලයට උසස් කර ඇතැයි පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ නිහාල් තල්ලුව මහතා පැවසීය

මෙලෙස උසස්වීම් ලබා දී ඇත්තේ පොලිස් කොස්තාපල් (72542) ජේ.ඒ.ඒ ජයකොඩි නිලධාරියාටය

කොස්තාපල්වරයා රාජ්‍ය අමාත්‍ය සනත් නිශාන්ත මහතා සමග සුඛෝභෝගී ජීප් රථයෙන් ගමන් කරමින් සිටියදී කිලෝමීටර් එකොළහයි දශම එක ප්‍රදේශයේදී කට්ටේටර් රථයක ගැටී අනතුරෙන් දෙදෙනාම ජීවිතක්ෂයට පත් විය

මියගිය පොලිස් කොස්තාපල්වරයා රාජ්‍ය පරිපාලන චක්‍ර ලේඛන අංක 23/93 පරිදි පශ්වාත් උසස් වීම් පදනම යටතේ පොලිස්පතිතුමා විසින් 2024 ජනවාරි 25 වැනි දින සිට සැරයන් තනතුරට උසස් කර ඇතැයි මාධ්‍ය ප්‍රකාශකවරයා වැඩිදුරටත් පැවසීය

අදහස් (3)

අධිවේගී මඟේ අනතුරින් මියගියි කොස්තාපල් සැරයන් නිලයට උසස් කරයි

සුරංග Saturday, 27 January 2024 05:51 AM

එතකොට රාජ්‍ය ඇමැති තනතුරකට උසස් කරන්නේ නැද්ද ඔය චක්‍රලේඛය අනුව අනෙකුත් නිළධාරි සඳහා උසස්වීම් දෙන්නේ නැද්ද? සාමාන්‍යයෙන් සේවයේ යෙදී සිටිද්දී මරණය වුණොත් අවුරුදු දහයක වැටුප් වන්දියක් හැටියට ගෙවීමට හැකියාව තියෙනවා...!

: 0 4

Lakmal Saturday, 27 January 2024 11:16 AM

කරුණාකර දුම්රියෙන් භාණ්ඩ ප්‍රවාහනය කිරීම නැවත අරඹන්න. මේ කන්ටේනර්, ලොරි ප්‍රමාණය මාර්ග වලට දරාගත නොහැකිය...!

: 1 11

මාර පුත්තරයා Sunday, 28 January 2024 08:50 AM

දැන්මම කිසි වෙනස්කමක් කරන්න එපා. සමාජ මාධ්‍ය මර්දනයට ගෙනාපු පනතට අත් උස්සපු අය තව 107ක් පණපිටින් ඉන්නවා. ඔවුන් ටිකටත් බුරු පුතාට වුණා වගේ මහපාරේදීම "ස්වීප් ටිකට් එකක්" ඇදිලා අපායට යනකම් මේ විදිහටම යමු. පව්කාරයෝ නැති ශ්‍රී ලංකාවක අපි වෙනස්කම් සිදුකරමු...

: 0 2