සර්බියාවේ පාර්ලිමේන්තු අද (21) ආරම්භ විය.

නව කොරෝනා වයිරසය හෙවත් ‘කොවිඩ්-19’ ගෝලීය වසංගතයේ ව්‍යාප්තිය පාලනය කිරීම සඳහා පැනවූ සීමාවලින් පසුව යුරෝපයේ පැවැත්වෙන පළමු පාර්ලිමේන්තු මැතිවරණය මෙයයි.

මැතිවරණයෙන් පාලක සර්බියානු ප්‍රගතිශීලී පක්ෂය (සර්බියන් ප්‍රෝග්‍රසිව් පාටි) පක්ෂය පහසු ජයක් ලබනු ඇතැයි අපේක්ෂා කෙරේ. එම පක්ෂය මධ්‍යස්ථ මතධාරී පක්ෂයක් වන අතර බහුතර බලය ද අත්පත් කරගනු ඇතැයි පැවසේ.

සෑම ඡන්ද ස්ථානයකම මුඛ ආවරණ සහ අත්සෝදන පිරිසුදු කාරක තබා තිබෙන අයුරු දක්නට ලැබුණු බව එරට මාධ්‍ය වාර්තා කර තිබිණි. මිලියන 6.6ක් ඡන්දය ප්‍රකාශ කිරීමට සුදුසුකම් ලබා සිටි නමුත් නව කොරෝනා වයිරසය හේතුවෙන් බොහෝදෙනකු ඡන්දය ප්‍රකාශ නොකරනු ඇතැයි වාර්තා වේ.

එරට වේලාවෙන් පස්වරු 2 වනවිට ඡන්දය ප්‍රකාශ කර තිබූ ප්‍රතිශතය සියයට 26.5ක් වූ අතර මීට වසර හතරකට පැවැති මැතිවරණයේදී පෙර එම වේලාව වනවිට ඡන්දය ප්‍රකාශ කර තිබූ ප්‍රතිශතය 29.7ක් වූ බව එරට ජාතික මැතිවරණ කොමිෂන් සභාව නිකුත් කළ දත්ත වාර්තාවල දැක්විණි.

ජනාධිපති අලෙක්සන්දාර් වූසිස් එරට මාධ්‍ය සියල්ල පාලනය කරන බැවින් ඇතැම් විපක්ෂයේ පක්ෂය මැතිවරණය වර්ජනය කරනු ඇතැයි ද මේ නිසාද ඡන්දය ප්‍රකාශ කරන සංඛ්‍යාවේ අඩුවක් සිදුවනු ඇතැයි ද කියැවේ.


අල්ජසීරා/රොයිටර්

055