(බිමල් ශ්‍යාමන් ජයසිංහ )

රජයේ රැකියා ලබාදෙන බව පවසා  විශාල පිරිසකගෙන් රුපියල් කෝටියකට  අධික මුදල් වංචා කළ  බව කියන දොඩංගොඩ  ප්‍රාදේශීය සභාවේ ක්ෂේත්‍ර වැඩ පරිපාලකවරිය බත්තරමුල්ල  ප්‍රදේශයේදී අත්අඩංගුවට ගත් බව කොළඹ   අපරාධ කොට්ඨාසය කියයි .

ජනාධිපති ආරක්ෂක සේනාංකයන් ලද ලිපියකට අනුව රජයේ විවිධ ආයතන වල රැකියා ලබාදෙන බව පවසා සැකකාරිය පුද්ගලයන්  පනහකට ආසන්න පිරිසකගෙන් රුපියල්  30,000 සිට 50,000 දක්වා මුදල් ලබාගෙන  වංචා කර  ඇතැයි පොලිසිය කියයි 

2020 වසරේ දෙසැම්බර් මාසයේ සිට මේ දක්වා  සැකකාරිය මේ අයුරින්ම වංචා සහගත ලෙස මුදල් ලබාගෙන ඇතැයි පොලිසිය සඳහන් කරන්න 

 සැකකාරියට විරුද්ධව  කළුතර සහ කොළඹ දිස්ත්‍රික්කවල පොලිසි රැසක පැමිණිලි පනහකට ආසන්න සංඛ්‍යාවක් තිබෙන  බවත් කොළඹ අපරාධ කොට්ඨාසයේ  නිලධාරියෙක් පැවැසීය 

කොළඹ අපරාධ කොට්ඨාසයේ ස්ථානාධිපති ප්‍රධාන පොලිස් පරීක්ෂක ඇන්ස්ලම් ද සිල්වා මහතාගේ උපදෙස් මත පරීක්ෂණ පවත්වයි.