හෙරොයින් ජාවාරමේ යෙදුණු අම්මයි පුතයි අත්අඩංගුවට

(ප්‍රේමතිලක පෙරමුණ )

හෙරොයින් මත්කුඩු සමඟ මවක් සහ පුතෙකු අද (25) අත්අඩංගුවට ගත් බව අළුත්ගම පොලිස් විශේෂ කාර්ය බලකාය පවසයි.

අත්අඩංගුවට ගත් මව වයස අවුරුදු 63 ක් වන අතර ඇය ගේ පුතා 21 ක් වන වියේ පසුවන තරුණයෙක් බව ද විශේෂ කාර්ය බලකාය සඳහන් කළේය.

වැලිපැන්න පොලිස් වසමේ බොන්දුපිටිය ,මුදලිගම ප්‍රදේශයේ දී අත්අඩංගුවට ගත් මෙම කාන්තාව සතුව හෙරොයින් ග්‍රෑම් 11 යි මිලි ග්‍රෑම් 30 ක්ද ඇයගේ පුතා සන්තකයේ තිබී හෙරොයින් ග්‍රෑම් 12 යි මිලි ග්‍රෑම් 480 ක් සොයා ගත් බව කඳවුරු භාර අණදෙන නිලධාරී පොලිස් පරීක්ෂක ඩබ්ලිව් ජි එස් ගයප්‍රික මහතා පැවසීය.

විශේෂ කාර්ය බලකා බුද්ධි අංශයට ලැබුණු තොරතුරක් අනුව විශේෂ කාර්ය බලකායේ අණ දෙන නිලධාරි සහ කලාප අණදෙන නිලධාරී වරයාගේ උපදෙස් මත මෙම වැටලීම සිදුකර ඇත.

මෙම පවුලේ වැඩිමහල් පුත්‍රයා ද හෙරොයින් මත්කුඩු සමඟ අත්අඩංගුවට ගෙන දැනට රක්ෂිත බන්ධනාගාරගත වී සිටින බව පොලිසිය පවසයි.

අදහස් (1)

හෙරොයින් ජාවාරමේ යෙදුණු අම්මයි පුතයි අත්අඩංගුවට

සමිත සේනක අලුත්ගමගේ. Thursday, 25 June 2020 06:26 PM

බොඳුපිටිය කීවොත් ආයේ අහන්න දෙයක් නැහැ ... ඉස්සර ඉඳන්ම හිටියේ නම්දරාපු හොරුන්, කසිප්පු පෙරණ අය, මංකොල්ල කාරයන්, මැරයන් හා මිනීමරුවන් ආදී අය තමයි. ඔය මුදලිගම කියා පසුව දමාගත්තාට ඕකේ හිටපු මුදලියකු නම් නැහැ. ආරක්ෂක අංශවල දැනගැනීමට ජනවහරේ පවතින දෙයක් කියන්නම්.. දුටුගැමුණු රජතුමා සොළීන් සමග කළ සටනේදී පලා ආපු පැරදුණු සොළීන් වගයක් ඔය පෙදෙසට විත් හැංඟුණාලු.. පසුව ඔවුන් සිංහල කාන්තාවන් බලෙන් ගෙන කැලේ වැදුණාලු.. එයට සාක්ෂි ලෙස ඔවුන්ගේ වාසගමේ දෙමළ කියන වචනය තිබෙන බව අපද දැක තිබෙනවා. දැන් සමහරුන් ඒවා වෙනස් කරලා. ඒත්, ජාන වෙනස් වෙලා නැහැ. මේ බොඳුපිටියට තද නීති දමා මැරයන් මෙල්ල කළ යුතුයි.. එය යුගයේ අවශ්‍යතාවයක්...

: 0 55