(සනත් ගමගේ)

අධික වැස්ස හා සුළඟ හේතුවෙන් හම්බන්තොට දිස්ත්‍රික්කයේ පවුල් 336 ක 1250 දෙනකු පමණ පිඩාවට පත්ව ඇතැයි හම්බන්තොට දිස්ත්‍රික් ලේකම් ඩබ්.එච් කරුණාරත්න මහතා අද (03) පැවසීය.
 
හම්බන්තොට, අම්බලන්තොට, තිස්සමහාරාමය, සූරියවැව, අඟුණකොළපැලැස්ස, වීරකැටිය, වලස්මුල්ල, තංගල්ල, බෙලිඅත්ත, කටුවන, ඔකේවෙල සහ ලුණුගම්වෙහෙර යන ප්‍රාදේශිය ලේකම් කොට්ඨාශ 12න්ම හානී වාර්තා වන බවද ලේකම්වරයා කියයි.

දැනට නිවාස 14 කට පූර්ණ හානි ද නිවාස 311කට අර්ධ හානි ද සිදුව ඇතැයි ආපදා කළමණාකරණ ඒකකය පවසා තිබේ..

ව්‍යාපාර ස්ථාන හයකට හානි වී ඇති අතර පොදු ස්ථාන තුනකට හානි වී තිබේ.

ආපදාවට ලක්ව ඇති සියලු පවුල් සඳහා අවශ්‍ය කටයුතු ලේකම්වරුන්ගේ අධීක්ෂණය යටතේ ග්‍රාම නිලධාරීන් හරහා සිදුවන හෙයින් ආපදාවට පත්ව ඇත්නම් තමන්ගේ ග්‍රාම නිලධාරිවරයා දැනුම්වත් කරන ලෙසට පීඩාවට පත් වූ ජනතාවගෙන් ඉල්ලා සිටි,