(සිරාජ් හසීම්)

බෞද්ධ භික්ෂුන් වහන්සේ නමකට අපහාස කිරීමේ සිද්ධියක් සම්බන්ධයෙන් සහ මුල්ලිවායික්කාල් දිනය ගැන කළ බව කියන ප්‍රකාශයක් සම්බන්ධයෙන් දෙමළ ජාතික සන්ධාන උතුරු පළාත් සභා මන්ත්‍රී එම්.කේ සිවාජිලිංගම් මහතා අපරාධ පරීක්ෂණ දෙපාර්තුමේන්තුව වෙත කැදවනු ලැබ ඇත

තමාට අද (21) රහස් පොලිසියෙන් ඇමතුමක් ලැබුණු බවත් පැමිණිලි විභාගය සදහා හෙට (22) පැමිණ  ප්‍රකාශයක් ලබා දෙන්නැයි දැනුම් දුන් බවත් සිවාජිලිංගම් මහතා ලංකාදීපය කළ විමසුමකදී කීය.තමන්ට කොළඹට පැමිණිය නොහැකි බවත් අවශ්‍ය නම් වැල්වැටිතුරෙයි පොලිසියට පැමිණ ප්‍රකාශයක් ලබා දිය හැකි බවත් තමන් එම නිලධාරීන් වෙත දැනුම් දුන් බව සිවාජිලිංගම් මහතා කීවේය.

ජනාධිපති මෛත්‍රීපාල සිරිසේන මහතාගේ මුලතිව් සංචාරයකට තර්ජනාත්මකවත්,බෞද්ධ හිමිනමකට නිගරු වන ආකාරයටත්, මුල්ලිවායික්කාල් සැමරුම සම්බන්ධයෙනුත් යාපනයේ පැවති මාධ්‍ය සාකච්ඡාවකදී කළ බව කියන ප්‍රකාශයන් සම්බන්ධයෙන් ලැබුණ පැමිණිල්ලකට අනුව මෙලෙස කැඳවා ඇත.