(උපාලි ආනන්ද)
 
යුද හමුදා සැරයන් මේජර්වරයකුගේ බිරිඳක සහ හමුදා සෙබලූන් තිදෙනෙකුගේ මවකද වන 50 හැවිරිදි කාන්තාවක් බීමත්ව රංචු ගැසී වරින් වර සමූහ දුෂණය කිරිමේ සිද්ධියක් සම්බන්ධයෙන් විත්තිකාර හිටපු යුද හමුදා කෝප‍්‍රල්වරුන් තිදෙනෙකුට උතුරු මැද පළාත් බද මහාධිකරණ විනිසුරු මහේෂ් වීරමන් මහතා ඉදිරියේ අධිචෝදනා බාර දෙනු ලැබීය. 
 
ලබන ඔක්තෝබර් 9 වැනි දා යළි අනුරාධපුර මහාධිකරණය හමුවේ පෙනී සිටින ලෙසට නියෝග කළේය.
 
 
2013 වසරේ ජූලි 23 වැනි දා හෝ ඊට ආසන්න දිනයක අනුරාධපුර මහාධිකරණ බල ප‍්‍රදේශයට අයත් හොරොව්පොතාන නබඩවැවදී කාන්තාවක දුෂණය කර ඇය සතුව තිබූ රන් භාණ්ඩ මුදල් සහ ජංගම දුරකථන සොරකම් කිරීම ඇතුළු අධිචෝදනා හතක් යටතේ  වෙන් වෙන් වශයෙන් නීතිපතිවරයා විසින් විත්තිකරුවන්ට එරෙහිව අනුරාධපුර මහාධිකරණය හමුවේ නඩු පවරා ඇත.  
 
කාන්තාව සමූහ දුෂණයට ලක් කිරීමෙන් පසුව විත්තිකරුවන් ඇය සතුව තිබු මුදල් පසුමිබියක්, ප්ලෑසර් වර්ගයේ විදුලි පන්දමක්, රන් කරාබු ජෝඩුවක් සහ ජංගම දුරකකන දෙකක්ද පැහැර ගෙන පලා ගොස් සැඟව සිට ඇත.
 
සැකකරුවන් අදාළ කාන්තාවගෙන් පැහැර ගන්නා ලද ජංගම දුරකථනයේ ඉමි අංකය ඔස්සේ සිදුකළ පුළුල් විමර්ශනයකින් පසුව අපරාධය සිදුවී දින 19 ක් ඇතුළත ඉතා සුක්ෂම අයුරින් පොලිස් උපාය දුතයින් යොදවා විත්තිකරුවන් අනුරාධපුර නගරයේදී අත්අඩංගුවට ගැනීමට පොලිසිය සමත් විය.