තිළිණි ද සිල්වා )
 

අගෝස්තු 01 වැනිදා සිට දිවයිනට පැමිණෙන සංචාරකයන්ට නවාතැන් ගත හැක්කේ ශ්‍රී ලංකා සංචාරක සංවර්ධන අධිකාරියේ ලියාපදිංචි හෝටල් නවාතැන් සපයන ස්ථානවල පමණක් යැයි සංචාරක හා ගුවන් සේවා ඇමති ප්‍රසන්න රණතුංග මහතා අද  (23) පැවසීය .
 
 මෙරට සෞඛ්‍ය අංශ උපදෙස් අනුව මෙම තීරණයට එළැඹි බවද අමාත්‍යවරයා කීය.
 
 සංචාරක සංවර්ධන අධිකාරියේ මේ වන විට ලියාපදිංචි වී ඇත්තේ සංචාරක හෝටල් හා නවාතැන් සපයන ස්ථාන 5000 කට ආසන්න සංඛ්‍යාවක් පමණක් බවත් , මෙලෙස ලියාපදිංචි නොවු සංචාරක හෝටල් හා නවාතැන් සපයන ස්ථාන 20000ක් පමණ ඇතැයි සංචාරක සංවර්ධන අධිකාරියේ වාර්තාවල සදහන් වන බවද අමාත්‍ය ප්‍රසන්න රණතුංග මහතා පෙන්වා දේ.
 
මේ තත්ත්වය තුළ සංචාරක සංවර්ධන අධිකාරිය මෙතෙක් ලියාපදිංචි වී නොමැති සංචාරක හෝටල් හා නිවස්න අධිකාරියේ කඩිනමින් ලියාපදිංචි කිරීමට අවශ්‍ය පියවර ගන්නා ලෙස තමන් එම අධිකාරියට උපදෙස් දුන් බව ද ඇමති ප්‍රසන්න රණතුංග මහතා වැඩිදුරටත් කියා සිටියේය.
 
අගෝස්තු මස 01 වෙනි දා සිට කණ්ඩායම් වශයෙන් සංචාරකයන් දිවයිනට ගෙන්වීමට නියමිත අතර ඒ සදහා අවශ්‍ය පියවර මේ වන විට ගෙන ඇතැයි ද ඇමතිවරයා කියා සිටී. 
 
 දිවයිනට පැමිණෙන සියලු සංචාරකයන් ඔවුන් මෙහි රැදී සිටින කාලය තුළ පි.සී.ආර් පරීක්ෂණ 03 කට ලක් කෙරෙන අතර ඔවුන්ගේ සංචාරය අතරතුර මෙම පි.සී.ආර් පරික්ෂණය සිදු කෙරෙන කෙරේ.
 
මේ අතර මහජන සෞඛ්‍ය පරීක්ෂකවරු මමගින් එම සංචාරකයන් නිරන්තර පරීක්ෂාවට ලක් කෙරෙන බව ද ඇමතිවරයා වැඩිදුරටත් පැවසීය