අංජුල මහීක වීරරත්න සහ ඡායාරූප - ළහිරු හර්ෂණ

ශ්‍රී ලංකා නිදහස් පක්ෂයේ අමාත්‍ය පිරිසක් සහ එක්සත් ජාතික පක්ෂයේ අමාත්‍යවරුන් තමා හමුවී රට ඉදිරියට ගෙන යාම සඳහා අලුත් වැඩපිළිවෙළක් සකස් කිරීම පිළිබඳව සාකච්ඡා කළ බව අග්‍රාමාත්‍ය රනිල් වික්‍රමසිංහ මහතා තලවතුගෙඩ දී අද (12) පැවසීය.

ශ්‍රී ලංකා නිදහස් පක්ෂ ඇමැතිවරුන් ජනාධිපති මෛත්‍රීපාල සිරිසේන මහතා ද මුණ ගැසී මේ පිළිබඳව සාකච්ඡා කර තිබෙන බව කී අග්‍රාමාත්‍යවරයා අනාගතය දෙස බලා ඉදිරි වැඩසටහන් ක්‍රියාත්මක කරන බවද කීය.

දෙපාර්ශ්වය අතර සාකච්ඡා වලින් පසුව ඉදිරි වැඩපිළිවෙළ ඉක්මණින් ක්‍රියාත්මක වනු ඇතැයි කී අග්‍රාමාත්‍යවරයා ඒ අලුත් මාර්ගයේ ඉදිරියට යාමට හැකිවෙතැයි විශ්වාස කරන බවද සඳහන් කළේය.

අග්‍රාමාත්‍ය රනිල් වික්‍රමසිංහ මහතා මේ බව කීවේ තලවතුගොඩ ලේක් විව් රෙසිඩන්සීස් නිවාස යෝජනා ක්‍රමයට මුල්ගල තැබීමේ උත්සවයේ ප්‍රධාන ආරාධිතයා ලෙස සහභාගී වෙමිනි.