(ඩයනා උදයංගනී)   
සියලූ විශ්ව විද්‍යාලවල ආචාර්යවරු මෙම මස 8 සහ 9 දිනවල දීපව්‍යාප්ත සංකේත වැඩ වර්ජනයක නිරත වන බව විශ්ව විද්‍යාල ආචාර්ය සමිති සම්මේලනය පවසයි. 
විශ්ව විද්‍යාල ආචාර්යවරුන්ගේ ගැටලූ විසඳීම සඳහා බලධාරීන් මැදිහත් නොවීම සහ ඒවා විසඳීමට ඔවුන් අපොහොසත්වීම සම්බන්ධයෙන් විරෝධය පා මෙම වැඩ වර්ජනය ක‍්‍රියාත්මක කරන බව එම සම්මේලනයේ අතිරේක ලේකම් අතුලසිරි සමරකෝන් මහතා පවසයි.
විශ්ව විද්‍යාල ආචාර්යවරුන්ට පවතින ගැටලූ සම්බන්ධයෙන් ආචාර්ය සමිති සම්මේලනය පසුගිය මාස තුනක පමණ කාලයක් තිස්සේ පැවැත්වූ සාකච්ඡා අසාර්ථක වූ බව ද ඔහු පවසයි.