ක.ග කරුණාරත්න
 
පොලොන්නරුව දිස්ත්‍රික්කයේ නිසි වයස එළඹෙන්නට පෙර දරුවන් බිහිකරන මව්වරුන්ගෙන් වැඩිම ප්‍රමාණයක් වැලිකන්ද, දිඹුලාගල, ලංකාපුර සහ තමන්කඩුව යන ප්‍රාදේශීය සෞඛ්‍ය වෛද්‍ය නිලධාරී කොට්ඨාසවල වෙසෙන බව සෞඛ්‍ය අංශ අනාවරණයය කරයි.
 
මේ අනුව පසු පසුගිය වසරේ (2016) වැලිකන්ද සෞඛ්‍ය වෛද්‍ය නිලධාරි කොට්ඨාස තුළ සිදු වූ දරු උපත් සංඛ්‍යාවෙන් සියයට 6.5 ක් ළමා මව්වරුන්ය.
 
තමන්කඩුව සෞඛ්‍ය වෛද්‍ය නිළධාරී කොටසේ පසුගිය වසරේ එම ප්‍රතිශතය සියයට 5.3 කි.
 
නිසි වයස එළඹෙන්නට පෙර දරුවන් බිහි කිරීම අතින් ලංකාපුර සෞඛ්‍ය වෛද්‍ය නිලධාරි කොටසේ 2016 වසරේ ප්‍රතිශතය සියයට 4.2 ක් වන අතර දිඹුලාගල සියයට 4 ක් වේ.
 
අඩු වයසින් දරුවන් බිහි කිරීමේදී පෝෂණ ඌණතා, අඩු බර දරු උපත්, විවිධ විකෘතිතා මෙන්ම දරු ප්‍රසූතියේදී ගැටළු වලට මුහුණපෑමට සිදුවිය හැකි බව වැලිකන්ද සෞඛ්‍ය වෛද්‍ය නිලධාරී වෛද්‍ය ප්‍රදීප් රෝහණ මෙන්ඩිස් මහතා මේ සම්බන්ධයෙන් අප කළ විමසුමකදී ප්‍රකාශ කළේය.