( ශෂිකලා දර්ශනි)

අපොස  උසස්පොළ විභාග  ප්‍රශ්න පත්‍ර රැගෙන යාපනයට ගොස්  නැවත පැමිණෙමින් සිටි විභාග දෙපාර්තමේන්තුවට අයත් ලොරියක් සහ විභාග කාර්ය මණ්ඩලය රැගෙන ගිය වෑන් රියක් අඹන්පොල කාසිකොටේ ආසන්නයේ දී එකිනෙක ගැටීමෙන් වෑන්  රියේ ගමන් කළ 08 දෙනෙක් තුවාල ලබා  රෝහල් ගත කර තිබේ .

 අද අලුයම 12.30 ට පමණ මෙම අනතුර සිදු වී තිබේ. අනතුර සිදු වන අවස්ථාවේ  9 දෙනකු වාහනයේ ගමන් කර ඇත.

පොලිස් නිලධාරින් දෙදෙනකු භාරයේ මෙම වාහන දෙක ම ගමන් කර ඇති අතර වෑන් රියේ ගමන් කළ නව දෙනකුගෙන් 08  දෙනකු තුවාල ලබා ඉන් 05 දෙනෙක්  අඹන්පොල මුලික රෝහලට ඇතුළත් කිරීමෙන් පසුව කුරුණෑගල ශික්ෂණ රෝහලට මාරු කර යවා තිබේ.
  තුවාල ලැබු තවත් තිදෙනෙක් ගල්ගමුව රජයේ රෝහලට ඇතුළත්  කර  ඇතැයි පොලීසිය කියයි.

විමර්ෂණ කටයුතු සඳහා අවශ්‍ය තොරුතුරු සටහන් කර ගැනීමෙන් පසු විභාග දෙපාර්තමේන්තුවට අයත් වාහන දෙක ම එහි පැමිණි පොලිස් නිලධාරීන් ගේ බාරයේ යටතේ  පිටත් කර යැවීම ට කටයුතු කළ බව  පොලසිය සඳහන් කළයි.

 
මෙම  අනතුරින්  කිසිවෙකුගෙත් තත්ත්වය බරපතල නොවන අතර ඔවුන් තවමත්   නෝවාසිකව ප්‍රතිකාර ලබන බව රෝහල් ආරංචි මාර්ග සඳහන් කළේය.