(නිමල කොඩිතුවක්කු)

විපක් ෂනායක සජිත් පේ‍්‍රමදාස මහතාගේ නායකත්වයෙන් යුතු නව සන්ධානය ජනවාරි 31 ට පෙර  රටට ප‍්‍රකාශ කරන බව පාර්ලිමේන්තු මන්ත‍්‍රී අශෝක් අබේසිංහ මහතා කොළඹදී අද(29) පැවසීය.
 
එම සන්ධානයේ නම, සළකුණ සහ මහලේකම්වරයා ඇතුලූ තනතුරු ඉදිරියේදී ප‍්‍රකාශයට පත්කරන බවද මන්ත‍්‍රීවරයා සඳහන් කළේය.
 
විපක්ෂනායක කාර්යාලයේ  පැවති මාධ්‍ය හමුවකට එක්වෙමින්  ඔහු මේ බව පැවැසීය.
එක්සත් ජාතික පක්ෂය සහ එක්සත් ජාතික පෙරමුණේ සියලූම පක්ෂ නව සන්ධානය සමග ඉදිරි මහමැතිවරණයට තරඟ කරන බවත් මන්ත‍්‍රීවරයා සදහන් කළේය.
 
ඉදිරි මහමැතිවරණය සඳහා නාම යෝජනා කැඳවීම මෙම නව සන්ධානය මගින් සිදුකරන බවත් පැවසූ අබේසිංහ මහතා සියලූම පාර්ලිමේන්තු මන්ත‍්‍රීවරුන්ට නව සන්ධානයෙන් නාම යෝජනා ලබාදීමට දැනටමත් තීරණය කර ඇති බවද කියා සිටියේය.