( දිල්රුක්ෂි ග්‍රේරු) 
නව ලග්ගල පල්ලේගම  මහ විද්‍යාල  භූමියට අද  ( 20)  කඩා වැදුණු වන අලියෙකු  පැයක  පමණ  මෙහෙයුමකින් පසු අසළ ගඟ රක්ෂිතයේ  කැලෑවකට පන්නා දැමීමට කටයුතු කළ බව වනජීවී  නිලධාරීන් පවසයි.

 විද්‍යාලයේ   එක් පසෙක  ඇති කම්බි වැට කඩා දමමින්  අලියා පාසල් භූමියට ඇතුළු වී එහි  මෙහා  ඇවිදිමින්  සිට ඇති අතර  ඒ අවස්ථාවේ   පාසලේ සිටි සිසුන් හා  අවට ගම්වාසීහුද දැඩි කළබලයට පත්ව තිබේ.

අනතුරුව ප්‍රදේශවාසීන් එක්ව වනජීවී නිලධාරී හා පොලිසීය දැනුවත් කිරීමෙන් අනතුරුව  එම නිලධාරීන්  පැමිණ  පැයක  පමණ මෙහෙයුමකින් පසු  වන අලියා  අසළ ගඟ රක්ෂිතයේ  කැලෑව  එළවා දැමීමට කටයුතු කර ඇත.‍

අධ්‍යයන පොදු සහතිකපත්‍ර සාමාන්‍යපෙළ  හදාරණ  සිසුන් පිරිසකට විශේෂ සම්මන්ත්‍රණයක් පැවැත්වෙන අවස්ථාවේදී මෙම  අනපේක්ෂිත සිදුවීම වී ඇති අතර   අවට  පාසල්  හි සිසුන්ද ඇතුළුව  සිසුන් 85 දෙනකු පමණ එම අවස්ථාවේදී  සම්මන්ත්‍රණයට සහභාගී වි සිට  තිබේ.

 සිදුවීමෙන් පාසලේ කම්බි වැටට පමණක් හානී සිදු වී ඇති අතර කිසිදු පුද්ගලයකුට හානී වී නැතැයි වනජීවි නිලධාරීයකු සඳහන් කළේය.