IMG-LOGO

විදුලිය හොරෙන් ගත් ව්‍යාපාරිකයා ලක්ෂ 16ම ලංවීමට ගෙවයි

මනෝප්‍රිය ගුණසේකර

කොළඹ කුරුඳුවත්තේ සිය නිවසට විදුලිය හොරෙන් ලබා ගැනීමේ චෝදනාවට වරද පිළිගැනීමෙන් අනතුරුව ලංකා විදුලි බල මණ්ඩලයට සිදුවු පාඩුව වෙනුවෙන් රුපියල් 16,06,487.26ක මුදලක් එම මණ්ඩලයට ගෙවු බව ද්විත්ව පුරවැසිභාවය සහිත මහා පරිමාණ ව්‍යාපාරිකයා මාලිගාකන්ද අතිරේක මහෙස්ත්‍රාත් අරුණි ආටිගල මහත්මියට අද (13) දැනුම් දුන්නේය.

අධිකරණයේ නියමය අනුව විදුලි බල මණ්ඩලයට ගෙවු රුපියල් 16,06,487.26ක මුදල සම්බන්ධයෙන් එම මණ්ඩලයෙන් නිකුත් කළ රිසිට් පතද ඉදිරිපත් කරමින් මහා පරිමාණ ව්‍යාපාරිකයකු බව කියන  කොළඹ 07, බුලර්ස් පටුමගේ පදිංචි විත්තිකාර ලක්සිරි ද සිල්වා මහතා ඒ බව අධිකරණයට දැනුම් දුන්නේය.

මෙම වරද සම්බන්ධයෙන් විත්තිකරුට නියම කරන ලද රුපියල් 10,000/-ක දඩය මීට පෙර දිනයේදී විත්තිකරු විසින් ගෙවන ලදී.

වායු සමීකරණ යන්ත්‍ර හතක් සහ වතුර උණුකරන යන්ත්‍ර තුනක් ඇති විත්තිකරුගේ නිවසේ විදුලි බිල වශ්‍යයෙන් පසුගිය වසර ගණනාවක කාලයක් ගෙවා ඇත්තේ රුපියල් 2,000/-ක පමණ බිලක් බවත් ඉන් ලංකා විදුලි බල මණ්ඩලයට විශාල පාඩුවක් සිදුවී ඇති බවට මීට පෙර අවස්ථාවක ඉදිරිපත් වු කරුණු සැළකිල්ලට ගනිමින් විත්තිකරුට අදාළ දඩ මුදල හා විදුලි බල මණ්ඩලයට පාඩු වු මුදල වෙනුවෙන් රුපියල් ලක්‍ෂ 16කට අධික මුදලක් ගෙවීමට සිදුවිය.

විදුලි බල මණ්ඩලයට සිදුවු පාඩුව වෙනුවෙන් ගෙවිය යුතු රුපියල් ලක්‍ෂ 16ක මුදල කොටස් තුනකින් ගෙවීමට විත්තිකරු අවසර ඉල්ලා සිටියත් ලංකා විදුලි බල මණ්ඩලය වෙනුවෙන් පෙනී සිටි නීතීඥ යසන්ත පෙරේරා මහතා ඊට විරුද්ධත්වය පළ කිරීම හේතුවෙන් සම්පුර්ණම මුදල එකවර ගෙවීමට සිදුවිය.

ඒ අනුව අදාළ මුදල විදුලි බල මණ්ඩලයට ගෙවා විත්තිකාර ලක්සිරි ද සිල්වා මහතා එම රිසිට් පත අධිකරණයට ඉදිරිපත් කළේය.

විදුලි බල මණ්ඩලයේ විශේෂ විමර්ශන ඒකකයේ කළමණාකාර ඉන්දික ප්‍රනාන්දු මහතාට ලැබුණු තොරතුරකට අනුව සති කිහිපයක් සිදුකළ සෝදිසි මෙහෙයුමකින් අනතුරුව ඉන්දික ප්‍රනාන්දු මහතාගේ මෙහෙයවීම යටතේ විමර්ශන නිලධාරී ගාමිණි ප්‍රනාන්දු සහ සහකාර විමර්ශන නිලධාරීන් වන අධිකාරි, පුෂ්පකුමාර සහ චානක යන නිලධාරීන් විසින් මෙම වැටලීම සිදුකොට තිබිණි.



අදහස් (3)

විදුලිය හොරෙන් ගත් ව්‍යාපාරිකයා ලක්ෂ 16ම ලංවීමට ගෙවයි

ලුම්බිණි Thursday, 14 June 2018 01:38 AM

ඉන්නේ කොළඹ 07 උනාට කරන්නේ වනාතමුල්ලේ වැඩ.

:       0       0

rocky Thursday, 14 June 2018 02:48 AM

මහා ව්‍යාපාර කරනවා කියන සමහර උන්නැහේල කරන්නේ මහා ජාවාරම්. ගෙදර ලයිට් බිලටත් කටුව ගහන මේ වගේ මිනිස්සු කොහොමද මහා ව්‍යාපාරිකයන් වෙන්නේ? එහෙම නම් මොනවා හරි හොර බිස්නස් වෙන්න ඇති!

:       0       44

Raveendra Thursday, 14 June 2018 05:57 AM

මොවුන් මහා පරිමානයේ ව්‍යාපාරිකයන් නොව ස්ථිර වශයෙන්ම හිගන තුට්ටු දෙකේ ව්‍යාපාරිකයන් බව කිසිදු සැකයක් නොමැත.

:       0       2

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 372 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 930 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1320 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site