2021 දෙසැම්බර් මස 01 වන බදාදා
( තිළිණි ද සිල්වා සහ රංජන් කටුගම්පොළ)
සිල් රෙදි නඩුවට අදාළව ඇප මත නිදහස්ව සිටින හිටපු ජනාධිපති ලේකම් ලලිත් වීරතුංග මහතාට පනවා ඇති විදෙස් ගමන් තහනම තාවකාලිකව ඉවත් කිරීමට අභියාචනාධිකරණය නියම කර තිබේ.
ලලිත් වීරතුංග මහතා විසින් ඉදිරිපත් කළ ප‍්‍රතිශෝධන පෙත්සම අද (2) අභියාචනාධිකරණ සභාපති ප‍්‍රීති පද්මන් සූරසේන සහ විනිසුරු ශිරාන් ගුණරත්න යන අභියාචනාධිකරණ විනිසුරු ශිරාන් ගුණරත්න යන මහත්වරුන් හමුවේ මෙම පෙත්සම කැඳවිණි.
පෙත්සම්කරු වෙනුවෙන් පෙනී සිටි නීතීඥ කාංචන රත්වත්තේ මහතා පැවසුවේ තම සේවාදායකයාට රාජකාරී සහ පෞද්ගලික හේතුන් මත ඕස්ටේ‍්‍රලියාවේ සහ කටාරයේ සංචාරය කිරීමට අවශ්‍යව ඇති බවයි.
දැනට පනවා ඇති විදෙස් ගමන් තහනම ලබන 20 වැනි දා සිට අපේ‍්‍රල් 30 වැනි දා දක්වා කාල සීමාව සඳහා ඉවත් කිරීමේ නියෝගයක් නිකුත් කරන ලෙස හෙතෙම අධිකරණයෙන් ඉල්ලා සිටියේය.
සියලූ කරුණු සළකා බැලු අභියාචනාධිකරණ විනිසුරු මඩුල්ල ඇප මත නිදහස්ව සිටින හිටපු ජනාධිපති ලේකම් ලලිත් වීරතුංග මහතාට පනවා ඇති විදෙස් ගමන් තහනම තාවකාලිකව ඉවත් කිරීමට තීන්දු කළේය.
කටාරයේ සහ ඕස්ටේ‍්‍රලියාවේ පෞද්ගලික සංචාරයකට විදෙස් ගත වීමට අවසර ඉල්ලා කළ ඉල්ලීම මහාධිකරණය විසින් ප‍්‍රතික්ෂේප කිරීමට එරෙහිව හිටපු ජනාධිපති ලේකම් ලලිත් වීරතුංග මහතා ගොනු කළ ප‍්‍රතිශෝධන පෙත්සමේ වගඋත්තරකරු ලෙස නීතිපති නම් කරනු ලැබ තිබේ.
Chanak Los angeles Saturday, 03 March 2018 12:07 AM
රටේ දේපොළ හොරාකන වංචාකරන අයට යන්න වෙන්නේ ඕස්ට්‍රේලියා නොවෙයි නරකාදියටයි.. පුදුම වැඩේ කියන්නේ මෙවැනි තුච්ඡ වැඩ කරලත් මොවුන් අායෙමත් රට කරන්න ඉල්ලන එකයි, මැටි ජනතාව මොවුන්ට කඩේ යන එකයි නේ කරන්නේ..
Reply : 713 401
shantha devapriya Saturday, 03 March 2018 11:19 AM
චානක නොදන්නා මගුල් කතාකරන්න එපා. නඩුවේ කොහේද කියලා තියෙන්නේ වීරතුංග හොරකම් කළා කියලා.. තමුන් ඇමරිකාවට වෙලා අපේරට හදන්න කතා කරන්න පොර ටෝක් දාන්න එපා. ලලිත් මේ රටට ලොකු සේවයක් කරපු නිලධාරියෙක්. ගිහාන් කුලතුංග විනිසුරු තීන්දුවේ කියලා තියනවා මේ අය සතයක්වත් හොරකම් කරලා නැහැ කියලා. තීන්දුව දුන්නේ ඇයි කියලා මේ රටේ ඕනේ පොඩි එකෙක් දන්නවා..
Reply : 326 482
Ajith Nissanka Saturday, 03 March 2018 06:37 PM
මේ රටේ ඕනේ පොඩි එකෙක් උනත් දන්නවා කිව්වට අපි නම් දන්නේ ලලිත් වීරතුංග හිරේට නියම කලේ මැතිවරණ නීති උල්ලංගනය කරලා සිල් රෙදි අර පවුලේ බුදලයෙන් බෙදුවා වගේ මිනිස්සුන්ට දුන්න කියල. ඒක අර රජ පවුලේ දෑත ශක්තිමත් කරන්න හදන අයට මහා වීරකමක් උනාට පැහැදිලි වංචාවක් තමයී.
133 108
Chanak Los angeles Sunday, 04 March 2018 07:48 AM
කරුමේ කියන්නේ ශාන්තලා තවමත් කරුවලේ අත පත ගාන එකනේ..
0 0
kumara silva Sunday, 04 March 2018 05:11 AM
දැන් නඩු තීන්දු දෙන්නේ ආර්.ඩඩ්ලිව්ගේ උපදෙස් පරිදියි. කට්ටියකගේ උපදේශ පරිදි කියලා මුළු රටම දන්නවා. රජයේ නිලධාරීන් කුහකකමට හිරේදලා දැන් රටේ කිසිම වැඩක් වෙන්නේ නැහැ. මහබැංකු හොරකම දැක්කහම රටම දන්නවා කව්ද හොරු කියලා..
Reply : 0 52
jayanaath Saturday, 03 March 2018 02:03 PM
චානක ඇමෙරිකාවේ ඉන්න නිසා තිරය පිටුපස ඇති ' කළු තොරතුරු ' නොදන්නවයි කියමුකෝ..!!! අර ශාන්ත කිව්වා වගේ ලලිත් වීරතුංගගේ කිසිම වැරැද්දක් නැතිද..? මොන දේකටද ඔහුට අච්චුකලේ..? යකාගේ නඩුකාරයෝ නොවැ ලංකාවේ ඉන්නේ. ප්‍රබල ,ලොකු බලවන්තයන්ගේ වැරදි වලට ආණ්ඩුවට ඕන විදිහටයි, තමනට හිතෙන හැටියටයි නඩු තීන්දු දෙන්න පුළුවන් අපූරු විකාර නීතියක් නොවේද ලංකාවේ තිබෙන්නේ..? පොඩි මිනිහ උසාවියේ ඈනුමක්, කිවිස්සක් ඇරියත් කූඩුවේ දාන නඩුකාරයෝ, ලොක්කන්ට ඕනෑ විදිහට නීතිය නවන අපූරුව...! 'අච්චු ලැබූ හිර කාරයෙකුට' විදෙස් සංචාරයකට අවසර දීලා නිකම්ම...! මෙයා අපහු ආවේ නැතිව අර උදයංග වගේ රටට කොකා පෙන්න පෙන්න හිටියොත් මේ දීපු නඩුකාරයා රටට වග කියනවද..?. මේ ගෝත්‍රික රටේ හැමෝගෙම වැඩ... ලංකාවේ මිනිස්සු හාවෝ වගේ රවටනවා... ඒ මදිවට මිනිසුනුත් රැවටෙනවා ඉවරයක් නැහැ....
Reply : 0 1
Prabath Sunday, 04 March 2018 05:06 AM
අපේ රට වලපල්ලටම යන රටක්. මොකද සිල් රෙදි හොරකමෙන් මහජන මුදල් කෝටි ගාණක් හොරකම් කරලා නාස්ති කළ බව ඕනෑම අයෙකුට තේරෙනවා. නමුත් අපේ රටේ කරුමෙට හොරකම් කරපු මුදල් කෝටි ගණන් ගත් අයට මේ වෙනකොට කිසිම දඬුවමක් නැහැ. තව ආලෝක වර්ෂ දහයක් ගියත් මේ කරන හොරකම් මහදවල් පෙනිපෙනී මේ මෝඩ මැටි මහජනතාව නැවත මේ අයව බලයට ගෙන එකනේ වැඩේ....
Reply : 0 1
Ajith Nissanka Monday, 05 March 2018 04:48 AM
අපේ රටේ කරුමෙට හොරකම් කරපු මුදල් කෝටි ගණන් ගත් අයට මේ වෙනකොට කිසිම දඬුවමක් නැහැ විතරක් නෙවෙයී ඒ අයව වැඩි ඡන්දයෙන් ආපසු පත්කරගන්නවා. දඩුවම් දෙන්න තියා අත් අඩංගුවට වත් ගන්න දෙන්න එපා කියල නීතියෙන් ඉල්ලනවා.
Reply : 0 0
